ته‌ڤی پێڤاژۆیا ئاشتیێ و ئاگربه‌ستا ته‌كئالی یا په‌كه‌كێ، ئێریشێن تركیه‌یێ یێن ل دژی رێخستنێ ده‌وام دكن وهه‌رێمێن گاره، مه‌تینی، خاكوركێ و رۆژئاڤا زاپێ بێ ناڤبه‌ر تێن بۆمبه‌باران كرن.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا چارشه‌می 7 گولانا 2025ێ راگهاند؛ د سه‌ر ئاگربه‌ستێ ره ئیسرارا ده‌وله‌تا ترك یا د شه‌ر ده ده‌وام دكه و ژ بانگا ئۆجالان یا 27ێ سباتێ ڤه، ب هه‌زاران ئێریش ل هه‌رێمێن گاره، مه‌تینی، خاكوركێ و رۆژئاڤا زاپێ ئه‌نجام دانه.
ده‌ستنیشان كر، د ڤان ئێریشان ده گه‌له‌ك ده‌ڤه‌ر هاتنه بۆمبه‌باران كرن و گه‌ریلایان به‌رسڤا هنه‌ك ئێریشان دا یه.
ل گۆری هه‌په‌گێ د دو مه‌هێن ئاگربه‌ستێ ده 20 هه‌زار و 982 جاران چه‌كێ گران و تۆپ ل دژی هه‌رێمێن گه‌ریلایان هاتنه بكارئانین.
ته‌ڤی ده‌ستپێكرنا پیڤاژۆیا ئاشتیێ ل تركیه و باكورێ كوردستانێ و بانگا ئۆجالان یا چه‌كدانینا په‌كه‌كێ، ئێریشێن ئارتێشا تركیه‌یێ هێژان ژی ده‌وام دكن، په‌كه‌كێ پشتی بانگا 27 سباتێ ئاگربه‌ستا ته‌كئالی راگهاندبوو، لێبه‌لێ د هه‌مان ده‌مێ ده 3 جاران ب درۆنان ئێریشی هێزا پێشمه‌رگه‌یان ل گونده‌وارێ ئامێدیێ كر و 5 پێشمه‌رگه بریندار كربوون.
