دارکا مازی ناڤێن 4 چەکدارێن پەکەکێ ئەشکەرە دکە کو هەیانی نها کوشتنا وان نەهاتیە راگهاندن
رۆژ ناچە ناڤەندا راگهاندن و چاپەمەنیێ یا هەپەگێ ناڤێن هندەک ژ کەچ و کورێن کورد ئەشکەرە نەکە کو د شەرێ ب ترکیێ رە ئەو ب کوشتن دانە، لێ رەغمی ڤێ یەکێ پەکەکە ناڤێ هەژمارەکە هەری زێدە ژی ڤەدشێرە و ب چ ئاوا مرنا وان راناگەهینە، ئەڤ یەک ژی شکەستنا پەکەکێ د ڤی شەرێ سەختە دە نیشان ددە.
دارکا مازی ژ چاڤکانیێن خوە یێن تایبەت ل باشوورێ کوردستانێ ناڤێن 4 گەریلایێن پەکەکێ ب دەست خستنە کو د دەستپێکا سالا 2005 دە، ب سەدەما ئێریشێن هەوایی یێن بالەفرێن ترکیێ ل چیایێ گارە و پیرس یێن ل باشوورێ کوردستانێ ژیانا خوە ژ دەست دانە، لێ بەلێ هەیا نها پەکەکێ ناڤێن وان ئەشکەرە نەکرنە و مالباتێن ڤان جوانان ژی ژ چارەنڤیسا وان بێ خەبەرن.
ناڤێن چەکدارێن پەکەکێ یێن کو د د ئێریشێن بالافرێن شەر یێن دەولەتا ترکیێ دە جانێ خوە ژ دەست دانە ئەڤن:
ئاگر، د 3/1/2025 دە ل قادا ب ناڤێ “شەهید دەنیز” ل چیایێ گارە بوویە هەدەفا بالافرێن دەولەتا ترکیەیێ و جانێ خوە ژ دەست دایە.
زاگرۆس عەفرین، ژ شێنیێن باژارێ عەفرینێ یێ رۆژئاڤا کوردستانێ یە، د 3/1/2025 دە ل قادا ب ناڤێ “شەهید دەنیز” ل چیایێ گارە بوویە هەدەفا بالافرێن دەولەتا ترکیەیێ و جانێ خوە ژ دەست دایە.
تۆلهلدان عەفرین، 30 سالی، ژ شێنیێن باژارێ عەفرینێ یێ رۆژئاڤا کوردستانێ یە، د 3/1/2025 دە ل قادا ب ناڤێ “شەهید دەنیز” ل چیایێ گارە بوویە هەدەفا بالافرێن دەولەتا ترکیەیێ و جانێ خوە ژ دەست دایە.
دەلیل رۆژهلات، 35 سالی، ژ شێنیێن رۆژهلاتێ کوردستانێ یە، د 26/2/2025 دە ل چیایێ پیرس-دەڤەرا نەهلێ بوویە هەدەفا بالافرێن دەولەتا ترکیەیێ و جانێ خوە ژ دەست دایە.
ل گۆر چاڤدێران، پەکەکە ژ بۆی نخافتنا شکەستنا خوە یا ل همبەر ترکیێ و ب کوشتن دانا زێدەتر یا کەچ و کورێن کورد ڤان وەنداهیان ڤەدشێرە و دەم ب دەم ناڤێن هەژمارەک هەری کێم ژ وان ئەشکەرە دکە و بازارەک سیاسی ب خوینا وان دکە، و د چاپەمەنیا خوە دە دکە کەرەستەیێن پرۆپاگاندایا ژ بۆی پارتیێ و عەڤدللا ئۆجالان.
