پەکەکێ راگھاند، کۆنگرەیا 12ێ یا وان د ناڤبەرا 5-7ێ گولانێ دە ب رەنگەکی سەرکەفتی ھاتیە لدارخستن. دا زانین ژی، بریارێن ھاتن وەرگرتن دێ د دەما ھەری نێزیک دە لگەل رایا گشتی هێنە پارڤەکرن.
دیوانا کۆنگرەیا 12ێ یس پەکەکێ ئیرۆ 9 گولانێ د داخویانیەکێ دە راگھاند، “کۆنگرەیا 12ێ یا پەکەکێ د ناڤبەرا 5-7 گولانێ دە ل ھەرێمێن پاراستنێ یێن مەدیایێ ب رەنگەکی سەرکەتی ھاتە لدارخستن. کۆنگرە ب بەشداریا ئەندامێن کو ھەموو قادێن کار تەمسیل دکن، ل دو قادێن جودا پارالێلی ھەڤ ھاتە پێکانین.”
دیار کر ژی، کۆنگرەیا 12ێ یا پەکەکێ ل سەر بانگا عەبدوللاھ ئۆجالان ل ھەڤ کۆم بوو. کۆنگرەیێ د سەری دە پەرسپەکتیف و پێشنیارێن عەبدوللاھ ئۆجالان یێن ژ بۆ کۆنگرەیێ خوەندن و نرخاندن. ھەر وھا راپۆرا کورتا کۆمیتەیا ناڤەندی یا پەکەکێ ژی ل کۆنگرەیێ ھاتە خوەندن و نیقاشکرن.
د داخویانیێ دە ھات گۆتن، “ئەنجامێن کۆنگرەیا 12ێ یا پەکەکێ و ئاگاھی و بەلگەیێن بەرفرەھێن ل سەر بریارێن ھاتین وەرگرتن، پشتی کو ئەنجامێن ل دو قادێن جودا کر یەک، دێ د دەمەکێ گەلەکی نێزیک دە لگەل رایا گشتی بێنە پارڤەکرن.”
