سەرۆککۆمارێ ترکیەیێ رەجەب تەییب ئەردۆگان ل سەر کۆنگرەیا پەکەکێ داخویانیەک دا و راگهاند، “دبە کو ھوون ھەر گاڤێ مزگنیان وەرگرن، ھوون دێ وەرگرن.”
پارتیا کارکەرێن کوردستانێ (پەکەکێ) 9ێ گولانێ ئەشکەرە کر کو وێ 12ەمین کۆنگرەیا خوە ب ئاوایەکی سەرکەفتی د 5-7ێ گولانێ دە ل دار خستیە و وێ د دەمەکە نیزیک دە ئەنجامێن کۆنگرەیێ ژ رایا گشتی رە راگهینە.
سەرۆککۆمارێ ترکیەیێ رەجەب تەییب ئەردۆگان ل ستەنبۆلێ د بەرنامەیەکێ دە ئاخافتنەک پێشکێش کر.
ئەردۆگان د ئاخافتنا خوە دە گۆت، “دڤێت کو ئەم ترکیەیێ ژ بەلایا ترکیەیێ رزگار بکن. ئەم ب گاڤێن خورت بەر ب ترکیەیەکا بێ تەرۆر ڤە دمەشن.”
سەرۆککۆمارێ ترکیەیێ رەجەب تەییب ئەردۆگان راگھاند کو ھەڤپەیمانیا جومھور ب “ھەستیاریەکا مەزن” پێڤاژۆیا “ترکیەیا بێ تەرۆر” دمەشینە و گۆت:
“ئەم ب بریارین کو وەلاتێ خوە ژ بەلایا تەرۆرێ رزگار بکن کو 40 سالن ئێشەکا کوور دایە وەلاتیێن مەیێن ژ ھەر چین و توێژەکێ، ئاگرێ سۆر دخە دلێ دایکان و دینامیتێ دخە ناڤ براتیا مە یا ئەزەلی و ئەبەدی یا وەکی نەتەوەیەک.
ئەم ب گاڤێن خورت بەر ب ئارمانجا ترکیەیا بێ تەرۆر ڤە دچن. سازیێن مەیێن ئیستیخباراتێ و ئەولەھیێ ئەرکێن خوە ب بالداری پێک تینن. ئەم ژی ب ئاوایەکی کو ل جدیەتا دەولەتێ تێ، بێیی کو ڤالاھیەکێ بھێلن، گاڤ ب گراڤ خەباتان دشۆپینن.
ئەم باوەر دکین کو ئەم دێ بگھیژن ئارمانجا ترکیەیا بێ تەرۆر. ئەم دێ نەکەڤن ناڤ لیستکا وان کەسێن کو دخوازن ھەرێما مە د خوین، ئاژاوە، رۆندک و نەئارامیێ دە بخەنقینن.
ئەم دێ بەرسڤا وان کەسێن کو دخوازن مە پارچە بکن ب ھەمبێزکرنا ھەڤ بدن. ئەم دێ 86 ملیۆن دلێن خوە بدن ھەڤ، حەزکرنێ، یەکیتیێ خورتر بکن و بلند بکن.
ئەم دێ ب ھەڤ رە سەدسالا ترکیەیێ ئاڤا بکن کو د بنگەھا وێ دە دەمۆکراسی، بپێشڤەچوون، ئارامی و دادمەندی ھەنە. دبە کو ھوون ھەر گاڤێ مزگینیان وەرگرن و ھوون دێ وەرگرن.”
