ھات ئیدیعاکرن کو، پەکەکێ ئەنجاما کۆنگرەیا خوەیا د رۆژێن 5-7 گولانێ ئەنجامدای ژ بۆ ترکیێ رێکریە. پەکەکێ بریارا هلوەشاندنا خوە د کۆنگرەیێ دە ژ بۆ دەولەتا ترکیێ رێکریە و دەزگەھێن دەولەتێ ب ھەمی ئەنجام و بریارێن کۆنگرەیێ ئاگاھدارن. لێ ھەتا نھا ل سەر مژارێ داخویانیەک فەرمی نەھاتیە دایین. بێ گومان ژ ئالیێ دەولەتێ ڤە سەدەمێن ڤێ یەکێ ھەنە.
تێ ئیدیعاکرن کو، “پەکەکێ بریارا دانانا چەکان و هلوەشاندنا خوە ژ بۆ ئەنقەرێ شاندیە” سەدەمێن کو ھەتا نھا ئەڤ یەک نەھاتیە راگھاندن سیاسەتا دەولەتێ د ڤێ دەربارێ دەیە. ژ بەر کو ھندەک چاڤکانی ھەنە کو دبێژن نوونەرێن دەولەتێ د کۆنگرەیا پەکەکێ دە ئامادەبوونە. وەک تێ زانین کۆنگرە ل 2 دەڤەرێن جودا ھاتیە ل دارخستن.
ژ ئالیێ دن ڤە، د دەربارێ کۆنگرەیێ دە پەکەکێ ئەڤ داخویانی دایە و دبێژە: “کۆنگرەیا 12ێ یا پەکەکێ د ناڤبەرا 5-7 گولانێ دە ب سەرکەفتی پێک ھات. ئاگاھداری و بەلگەیێن بەرفرەھ یێن دەربارێ ئەنجامێن کۆنگرەیا 12ێ یا پەکەکێ و بریارێن ھاتنە گرتن دە، پشتی کو ئەنجامێن دو دەڤەرێن جودا وەرن بەرھەڤکرن، دێ د دەمەک کورت دە لگەل رایا گشتی هێن پارڤەکرن.”
