ئارتێشا تركیه‌یێ د مه‌ها نیسانێ ده ئێریشێن ئاسمانی ب بالافرێن شه‌ر، هه‌لیكۆپته‌ر و درۆنان ب رێژه‌یا 78% ل هه‌رێما كوردستانێ زێده كرنه.
تیمێن ئاڤاکرنا ئاشتیا جڤاکی (CPT) راپۆرا خوە یا مەها نیسانێ یا دەربارێ ئێریشێن ترکیەیێ ل سەر هەرێما كوردستانێ وه‌شاند و تێ ده هاتیه كو: ب همبه‌ر كرن ل گه‌ل ئێریشێن مه‌ها ئادارا ئیسال 2025ێ، ئێریشێن ده‌وله‌تا ب رێژه‌یا 78% زێده‌بوونه.
د راپۆرێ ده هه‌ر وها هاتیه گۆتن كو د مەها نیسانێ دە ژ ئالیێ ترکیەیێ ڤە ب گشتی 210 ئێریش پێک هاتنه، ژ وان 91 ئێریش ل سینۆرێ پارێزگه‌ها دهۆكێ هاتنه ئه‌نجام دایین.
هه‌په‌گێ باسكێ له‌شكه‌ری یێ په‌كه‌كێ رۆژا یه‌كشه‌می 4 گولانا 2025ێ ئامارێن شه‌ر یێن مه‌ها نیسانێ ئاشكه‌ره كربوون و گۆت كو د ڤێ مه‌هێ ده، ئێریشێن ده‌وله‌تا ترك بێ ناڤبه‌ر ده‌وام كربوون. هه‌په‌گێ دیار كر، د ڤێ مه‌هێ ده 90 ئێریشێن ئاسمانی هاتنه ئه‌نجام دایین، 4 گه‌ریلایان ژیانا خوه ژده‌ست دا نه و له‌شكه‌ره‌كی ترك هاتیه كوشتن.
