په‌كه‌كێ چارەنووسا کوردێن باکور خستیە بنێ دەریایەکە بێداوی

• سمكۆ عه‌بدولعه‌زیز

د دیرۆکێ دە، شۆرەش ب تێکچوونا هێزێن چەکدار ل قادا شەر تێک نەچوونە. لێ گاڤا زمان ئێدی ل مەیدانا شەر نەبە، پەیڤ زووا بوون و به‌یانامه‌ بوونه‌ وەک خوینرژاندنێ، تێكۆچوون چێدبه‌.

ب هەزاران جوانێن کو خوینا خوە ژ بۆ دۆزا کوردایه‌تیێ، ئازادیا نەتەوەیەکێ و بدەستخستنا دەولەتەکە سەربخوە یا کوردی رژاندنە، بوونە قوربانێن پەیمانەکە یەکالی و چارەنووسەکە نەدیار. فەداکاریا وان بوو فەداکاریا ژ بۆی ئازادیا سەختە.

مافێن رەوا یێن ڤان فه‌داكارا د رووپەلێن رۆژنامەیان دە نەهاتنە وەشاندن، لێ د به‌نده‌ هەلبەسته‌كێ دە، ب هەوەسا مرۆڤاهیێ و ب زمانێن رەسەن، داخویانیا پارتیا کارکەرا کو د کۆنگرەیا داوزدێ دە هاتیە پەژراندن، مینا دوعایا داویێ یا ل سەر لاشەک نە ئامادەبوویی بوو.

نەتەوەیا کورد ت پەیمانەک نڤیسکی ب جیهانێ رە ئیمزە نەکریە و ناڤێ کوردان ل سەر ت نەخشەیەک یاسایی نەهاتیە نڤیساندن.

چارەنووسا کوردێن ل باکور نها كه‌تیه‌ بنێ دەریایەکە بێداوی. کوردێن ل باکور ب داخویانیا داوی یا پارتیا کارکەران رە روو ب روونە، کو ناڤێن داگیرکەرێن کوردستانێ ئیمزە ناکە. هه‌روه‌ها ئالیێ سێیەمین د ڤێ پرۆژەیا ئاشتیێ دە نایێ دیتن.

په‌كه‌كه‌ ژ مالەکە بریندار دەرکەتیە و ل دژی ئالیێ کو کوردستان داگر کریە چەک هلدایە. ئیرۆ ئەو بێیی پەیمانەک ئیمزەکری و بێیی چاڤدێریا دەولەتەک سەربخوە خوه‌ هلوه‌شاند.

پرسا ل ڤر تێ سه‌ر زمان ئه‌ڤه‌، گه‌لۆ مافێ کێ هەیە کو ل سەر ناڤێ هه‌زاران شه‌هید، بریندار، پەنابەر و گرتیان بئاخڤە؟؟ گه‌لۆ خه‌ونێن كو مه‌ ل سه‌ر جۆتكاران ڤه‌هاندنه‌، ئه‌مێ ب كو ده‌ ببن؟

جەنازەیێن کو ل ژێر تانكێن دژمن هاتنە شەوتاندن و وێرانکرن ئەم چاوا دکارن وان ڤەگەرینن؟؟

ئەمێ چاوا سەردانا گۆرێن ب کۆم بکن و ئەمێ ژ وان ره‌ چ ببێژن؟؟؟

د فەلسەفەیا سیاسی دە، ب تایبەتی ژ هێلا فیلۆسۆفێن جیهانێ یێن وەکی کانت و هابرسمان ڤە، ئەم هاتنە هشیارکرن كو ئاشتی دبە راستیەک دەما کو هەر دو ئالی:

1. هه‌ڤدو قه‌بوول دكن.

2. ده‌ستبه‌رداری هه‌ڤسه‌نگ بیت.

3. گارانتیێن یاسایی هه‌بن.

لێ تشتێ کو نها هاتیە دیتن نە ئاشتیەکە سیاسییە، لێ ڤالاهیەکە سیاسی، رەوشەنبیری و مرۆڤییە.

ئەڤ ئاشتی دکەڤە قۆناخەک بەرەڤاژیبوونێ ژ بەر کو بەرسڤێن هەمی پرسان ب ئاوایه‌كی شوولی تێنە دایین و هەمی نەخوەشی و قێرینا جانگۆرییان کەتنە ناڤ نه‌واله‌كه‌ بێدەنگ ده‌.

ئەم نها ب دوانه‌یه‌كێ رە روو ب روو مانه‌: پارتیەک مینا په‌كه‌كێ هەر تم دەولەتا ترکیەیێ ب دەستهلاتداریا لەشکەری تاوانبار کریە، و هەمان پارتی ئیرۆ هاتیه‌ خوه‌ تەسلیمی وێ دەولەتا لەشکەری كری یه‌. بێیی کو د ناڤبەرا هەر دو ئالیان ده‌ پەیمانەک ئیمزەکری ئان جڤینەک هەبە دا کو داخوازێن وان وەرن ناسکرن، ئەڤ پەیمان مینا وێ گۆتنا کوردییە کو دبێژە: «كه‌رو نه‌مره‌ هه‌تا قیڤار شین دبه‌»!!

مانیفەستۆیا په‌كه‌كێ نه‌کاخەزەکی سیاسی یە، لێ بەلێ بەلگەیەکە هەبوونییە، ئانتۆلۆژیەکە و پێناسەیەکە نوو یا کوردانە کو ژ ئالیێ هشێ یەک کەسی، ئابدوڵاهـ ئۆجالان ڤە هاتیە ئامادەکرن. ئۆجالان د پێناسەیا خوە دە دبێژه‌: هه‌ڤركیا کوردان ل باکور ئێدی نە هه‌ڤركیه‌كه‌ نەتەوی یه‌، لێ پرۆژەیەکى دەمۆکراتیککرنا گەلانه‌، بێیی تێگهیشتنەک نەتەوەیی، ئانگۆ دەرمانکرنا برینێ ب ناڤێ ئاشتیێ و گوهەرتنا هشمەندیێ ب ناڤێ نووبوونا جهگیر، پێناسە دکە.

کی دێ لاشێن جوانێن کو گۆرێن وان ژ مە رە نایێن زانین، ڤەگەڕینه‌؟؟

کی دێ هێسرێن وێ داییكێ ڤەگەرینە کو ب ناڤێ ئازادیێ هاتیە خاپاندن؟

کی دێ گوندێن شەوتی و کەنێ وان ڤەگەرینە؟؟

کی دێ زارۆکێ کو د کۆچبەریێ دە مەزن بوویە ئیقنا بکە کو پرسگرێکا کورد نە پرسگرێکەک نەتەوی یە، لێ پرسگرێکەک دەمۆکراتیکبوونا گەلانە؟؟

د ئەنجامێ دە، داخویانیا هلوەشاندنا په‌كه‌كێ نە تەنێ بوویەرەک سیاسییە، لێ د هەمان دەمێ دە داخویانیەکە کو کورد ب گشتی و ب تایبەتی یێن باکور نه‌ ته‌نێ ئه‌و ئالی نه‌ كو وێ تەسلیمی ڤێ پرۆژەیێ ببن.