داخویانیا 12مین کۆنگرەیا ئاوارتە یا په‌كه‌كێ پر ناکۆک بوو و گەلەک مژار هەبوون کو هەوجە بوو کورد ب بەرفرەهی نیقاشێ ل سەر بکن. یەک ژ وان تشتێن هەری بەربچاڤ ئەو بوو کو په‌كه‌كێ د کۆنگرەیا هلوەشاندنا خوه ده ژی ناڤێ په‌ده‌كێ ئانی، ئێریشی وێ كر و ب زمانەکی نەباش ب ناڤ کر.
د داخویانیا داوی یا کۆنگرەیا په‌كه‌كێ دە وها هات گۆتن: «تەڤی شەرت و مەرجێن دژوار یێن کو شەر و پەڤچوون بەردەوام دکرن، ئێریشێن هەوایی و بەژاهی، دۆرپێچا ل سەر دەڤەرێن مە و دۆرپێچا په‌ده‌كێ، کۆنگرەیا مە ب ئەولەهی هاتە لدارخستن».
د رۆژا كو په‌كه‌كێ كۆنگره‌یا خوه لداردخست، ده‌وله‌تا ترك ئێریشێن په‌ژاهی و هه‌وایی ل هه‌رێمێن په‌كه‌كێ ئه‌نجام ددان، ل شوونا په‌كه‌كه ده‌وله‌تا ترك د كۆنگره‌یا خوه ده شه‌رمه‌زار بكه، ئه‌و هات و ئێریشی په‌ده‌كێ كر و ئاگاهیێن دەرەو پارڤە کرن.
هەروها، چاڤکانیێن په‌كه‌كێ دبێژن کو کۆنگرەیا په‌كه‌كێ ب پشتراستی و ئاگاهداریا دەولەتا ترکیەیێ هاتیە لدارخستن و ئۆجالان ب رێیا ڤیدیۆیێ بەشداری کۆنگرەیێ بوویە.
ب راستی، د داخویانیا کۆنگرەیێ دە ب تایبەتی هاتە تەکەز کرن کو ئۆجالان ئامادەکاریێن کۆنگرەیێ “دمەشاندن”. هەروها، چاڤکانیێن هەرێمی دبێژن کو په‌ده‌كه دۆرپێچێ ل سەر په‌كه‌كێ فەرز ناکە و بەرەڤاژی ڤێ، په‌كه‌كێ گه‌له‌ك هێسانکاری بۆ هاتن و چوونا ناڤبه‌ینكاران ژ بۆ پێڤاژۆیێ ژ په‌ده‌كێ وه‌رگرتنه.
