ئۆجالان کۆنگرەیا پەکەکێ سلاڤ کر

رێبەرێ زیندانکری یێ پەکەکێ “عەبدوللاھ ئۆجالان” کۆنگرەیا پەکەکێ سلاڤ کر و عەلی حەیدەر قەیتان و رزا ئالتوون ب بیر ئانین.

عەبدوللاھ ئۆجالان تێکلداری کۆنگرەیا پەکەکێ، عەلی حەیدەر قەیتان و رزا ئالتون پەیامەک شاند.

عەبدوللاھ ئۆجالان بریارێن کو د کۆنگرەیا پەکەکێ دە ھاتنە دایین سلاڤ کر و ژ بۆ عەلی حەیدەر قەیتان و رزا ئالتون گۆت کو ئەو دێ ھەر تم وان د تێکۆشینا خوە دە بدن ژیین.

پەیاما ئۆجالان وھایە:

“رێھەڤالێن ھێژا، من ب خەمگنیەکا مەزن بھیست کو عەلی حەیدەر قەیتان و رزا ئالتون جانێ خوە ژ دەست دایە.

 ئەز دێ پشترە بیرئانینا ھەر دو رێھەڤالان بنرخینم و ئەز نھا ب رێزگرتنەکا مەزن وان ب بیر تینم.

 د تێکۆشینا ھەبوونا نەتەوەیی و کۆمونالیتەیا دەمۆکراتیک دە جھێ وان ھەر تم ھەیە.

ژ بۆ پارادیگما و سازوومانیا سەردەما نوو وەکی نرخێن بنگەھین یێن ئیلھامێ ئەو دێ ھەتا ھەتایێ رۆلێن خوە بلیزن.

د تێکۆشینا مە دە دێ وەکی رێبەرێن ماییندە ھەبوونا خوە بدۆمینن. 

ب ڤێ وەسیلەیێ ئەز بریارێن د کۆنگرەیا 12ێ یا دیرۆکی دە ھاتنە دایین و پەیامێن تێکلداری دەمێن پێش ب رێزداری سلاڤ دکم.”