مورات کارایلان: قۆناغا چەکدانانێ هنگێ پێک تێ کو گوهەرتنەکە قانوونی چێ ببە

ئەندامێ کۆمیتەیا رێڤەبەر یا رێخستنا په‌كه‌كێ مورات کارایلان رادگەهینە کو، قۆناغا بێ یا چەکدانانێ دێ ب ئاوایەکی کو گوهەرتنەکە قانوونی هەبە، پێک بێ.

مورات کارایلان د چارچۆڤەیا کۆنگرەیا 12ێ یا په‌كه‌كێ دە گۆت، «ژ بۆ کو په‌كه‌كه‌ خوە بپارێزە، بێ گۆمان دڤێ دەستهلاتدار پێنگاڤێن قانوونی باڤێژن. گەر دەستهلاتدار بەحسا ئاشتیا ناڤخوەیی دکن، دڤێ ئەو دژمناتیێ بداوی بینن».

کارایلان ئاماژە ژی دا، «پرانیا قانوونێن نها هەبوونا گەلێ کورد ئینکار دکن، ژ بەر ڤێ یەکێ ژی تەنێ د چارچۆڤەیا گوهەرتنێن ژ ئالیێ دەولەتێ ڤە، د ئاستا قانوونی و دادپەروەری دە، په‌كه‌كه‌ دکارە پێڤاژۆیا دانەدەستا چەکان ب جیهـ بینە».

ناڤبری تەکەز ژی کر کو، ئەو دێ ستراتەژیا شەرێ چەکداری بداوی بکن، لێ هەکە دەولەت ڤێ یەکێ قەبوول نەکە، گوهەرتنێن قانوونی یێن پێدڤی د چارچۆڤەیا ئازادیا ئۆجالان دە، د چارچۆڤەیا بداویئانینا شەر و دژمناتیێ دە، ئەڤ نایێ بدەستخستن».

په‌كه‌كێ رۆژا دوشەمیا رابووری، 12ێ گولانا 2025ێ ئەنجامێن کۆنگرەیا خوە یا 12ێ ئەشکەرە کرن و گۆت کو ل سەر بانگا ئۆجالان، په‌كه‌كێ بریار دا کو ئاڤاهیا خوە یا رێخستنی هلوەشینە و تێکۆشینا چەکداری ب داوی بکە.

په‌كه‌كێ د راگەهاندنا خوە دە ئاماژە ژی دایە، خەباتا په‌كه‌كێ سیاسەتا ئینکار و وێرانکرنێ یا ل دژی گەلێ مە نەهێلایە، پرسا کوردان ب رێیا سیاسەتا دەمۆکراسی گەهاندیە خالا چارەکرنێ و ژ ڤی ئالی ڤە  په‌كه‌كێ ئەرکێ خوەیێ دیرۆکی تەمام کریە.

ل سەر ڤێ بنگەهێ، کۆنگرەیا 12ێ یا په‌كه‌كێ ب مەرەما بجهانین و برێڤەبرنا پرۆسەیا کریارکی ل ژێر سەرکردەتیا رێبەر ئاپۆ، بریارا هەلوەشاندنا هەیکەلێ رێکخستنی یێ په‌كه‌كێ و بداویئانینا ئاوایێ خەباتا چەکداریێ دا، هەروەسا ئەو چالاکی ژی بداوی ئانینێن کو ب ناڤێ په‌كه‌كێ تێن کرن.