ھەڤسەرۆکێ پارتیا وەکھەڤی و دەمۆکراسیێیا گەلان (دەم پارتی)، تونجەر باکرھان، راگھاند کو ئەو دێ د 22ێ ڤێ مەھێ دە بجڤن، دا کو نەخشەرێیا پارتیا خوە یا ژ بۆ پرۆسەیا چارەسەری و ئاشتیێ دیار بکن. باکرھان تەکەز کر کو پێویستە پرۆسەیا ئاشتیێ زێدە نەیێ دەرەنگخستن و د زووترین دەم دە بگھیژە ئەنجامەکێ.
تونجەر باکرھان د داخویانیا خوە دە ئەشکەرە کر کو د جڤینا رێڤەبەریا دەم پارتیێ یا د 22ێ مەھێ دە، دێ ب ئاوایەکی ھووروکوور ل سەر نەخشەرێیا پرۆسەیا ئاشتیێ وەرە سەکناندن.
ھەروھا، دا زانین کو د ھەمان جڤینێ دە، دێ گۆتووبێژ ل سەر بریارا پارتیا کارکەرێن کوردستانێ (پەکەکێ)یا ژ بۆ “خوەھەلوەشاندنێ” و گاڤێن کو پشتی ڤێ قۆناغێ بێن ئاڤێتن ژی بێن کرن.
ژ ئالیەکی دن ڤە، ھات راگھاندن کو بەرپرسێن پەکەکێ ژی دیار دکن کو ژ بۆ دەستپێکرنا پرۆسەیا دانینا چەکان، پێویستە دەولەتا ترکیەیێ گاڤێن یاسایی یێن پێویست باڤێژە.
