سەرۆکێ ھەرێما کوردستانێ نێچیرڤان بارزانی و سەرۆکوەزیرێ ئیراقێ محەمەد شیاع سوودانی ئیرۆ 17ێ گولانا 2025، ل بەغدایێ جڤیان و تەکەزی ل سەر پێویستیا خورتکرنا ھەڤکاری و زێدەتر تێگھشتنا ناڤبەرا ھەردو ئالیان کرن.
جڤینا نێچیرڤان بارزانی و سوودانی ل پەراویزا بەشداربوونا سەرۆکێ ھەرێما کوردستانێ د لووتکەیا کۆمکارا عەرەبی ل بەغدایێ دە پێک ھات.
ل گۆری داخویانیەکا سەرۆکاتیا ھەرێما کوردستانێ، د ھەڤدیتنێ دە نێچیرڤان بارزانی دەستخوەشی ل سەرۆکوەزیر سوودانی کر، ژ بەر مێھڤانداریکرنا جڤینا کۆمکارا عەرەبی و ھەروھا سپاسیا وی کر ژ بەر ڤەخوەندنا وی د چارچۆڤەیا کارێن جڤینێ دە.
د ھەڤدیتنێ دە ھەروھا، گۆتووبێژ دەربارێ پێوەندیێن د ناڤبەرا ھەولێر و بەغدایێ دە ھاتن کرن و ھەردو ئالیان تەکەزی ل سەر گرینگیا خورتکرنا ھەڤکاری و زێدەکرنا تێگھشتنا ھەڤبەش کرن.
سەرۆکێ ھەرێما کوردستانێ، ل پەراویزا بەشداربوونا د لووتکەیێ دە، لگەل سەرۆککۆمارێ ئیراقێ و ھەژمارەک سەرکردە و بەرپرسێن پایەبلندێن وەلاتێن عەرەب ژی ھەڤدیتن پێک ئانین.
