رێخستنا په‌كه‌كێ دبێژه ته‌ڤی كو وان بریارا خوه‌فه‌سخكرنێ دایه، لێبه‌لێ هین ژی ئێریشێن ده‌وله‌تا ترك یێن ل سه‌ر باره‌گه‌هێن وان یێن ل باشوورێ كوردستانێ ده‌وام دكن.
رێخستنا په‌كه‌كێ راگهاند کو ئارتێشا ترکیەیێ د چەند رۆژێن بۆری دە گەلەک جاران ئێرشی سەر بارەگەهێن وان یێن ل باشوورێ کوردستانێ کریە.
ده‌ستنیشان كر، ئارتیشا تركیه‌یێ رۆژێن 17-18ێ مەهێ سێ جاران ب تۆپ و بالافرێن شەر ئێرشی بارەگەهێن وان یێن ل دەڤەرێن مەتینا و گارەیێ کریە و گۆت: د چارچۆڤەیا مافێ خوەیێ رەوا دە، مه بەرسڤا ئێرشێن ئارتێشا ترکیەیێ دایە.
بەردەڤکێ وەزارەتا پاراستنێ یا ترکیەیێ زەکی ئاکتورک هه‌فته‌یا رابووری د کۆنفەرانسەکە رۆژنامەگەریێ دە راگهاندبوو، ئێریشێن ل دژی په‌كه‌كێ وێ ده‌وام بكن هه‌تا وێ ده‌ما كو په‌كه‌كه ب ته‌مامی ژ هۆلێ تێ راكرن.
