یەک ژ چەکدارێن یەبەشێ ل سنوونێ ب تومەتا ئەنجامدانا کارێن تەرۆریستی ژ ئالیێ لەشکەرێ ئیراقێ ڤە هات دەستەسەرکرن و ژ بۆی بەغدایی هات ڤەگوهەستن.
چاڤکانیێن دارکا مازی ئەشکەرە کرن، یەک ژ چەکدارێن یەبەشێ یێ ب ناڤی “نامس جندی ئەحمەد شەرقی” کو ژ شێنیێن گوندێ بێرجاری یێ سەر ب سنوونی یە، د 30/4/2025 دە ب سووچا تەرۆرێ ژ ئالیێ لەشکەرێ ئیراقێ ڤە هاتیە دەستەسەرکرن و ژ بۆی بەغدایێ هاتیە ڤەگوهەستن.
چاڤکانیێن مە هەر وەها ئەشکەرە کرن، نامس یەک ژ چەکدارێن یەکینەیێن پاراستنا شەنگالێ یە و د لیوایا ساهر تەیاوی دە دخەبتی.
هات زانین، مامەکی ڤی چەکدارێ یەبەشێ کو ناڤێ وی “هندی ئەحمەد شەرقی”یە ژی ژ ئالیێ حکوومەتا ئیراقێ ڤە ب تۆمەتا ئەنجامدایینا تەرۆرێ داخوازکریە.
