سەرۆک بارزانی ب بۆنەیا سالڤەگەرا شۆرەشا گولانێ پەیامەک وەشاند و گۆت کو شۆرەشا گولانێ ژ بۆ ھەر کەسی ئیسپات کر کو ئیرادەیا تێکۆشینا گەلێ کورد ژ بۆ ئازادیێ قەت نایێ شکاندن و دێ بەردەوام بکە.
ئیرۆ 24/5/2025ێ سەرۆک مەسعوود بارزانی ب بۆنەیا سالڤەگەرا شۆرەشا گولانێ پەیامەک وەشاند و گۆت: شۆرەشا گولانێ یەک ژ گرنگترین قۆناغێن بەرخوەدان و تێکۆشینا گەلێ کوردە، کو پەیام و ئارمانجێن شۆرەشا مەزنا ئیلۆنێ ھلدگرە. د شەرت و مەرجێن نەباش یێن پشتی کۆچبەریێ دە، ل ئاوارەییێ و د بن زەختێن جووربەجوورێن دژبەرێن گەلێ کورد دە، شۆرەشا گولانێ ب پلانەکا رێخستنی و لەشکەری یا بەرفرەھ و ب ئیرادەیەک خورت ھاتە دەستپێکرن.
سەرۆک بارزانی د پەیاما خوە دە گۆت: “گەلێ مە د شۆرەشا گولانێ دە گەلەک قوربانی دا، گەلەک پێشمەرگەیێن قەھرەمان ژیانا خوە ژ بۆ کوردستانێ فەدا کرن، و پرانیا کورێن گەلێ مە کۆچبەری، وەستاندن و بەردەوامی ھلبژارتن. شۆرەشا گولانێ ژ بۆ ھەر کەسی ئیسبات کر کو ئیرادەیا تێکۆشینا گەلێ کورد ژ بۆ ئازادیێ قەت نایێ شکاندن و دێ بەردەوام بکە.
سەرۆک بارزانی تەکەز کر: د سالڤەگەرا 49ێ یا شۆرەشا گولانێ دە، ئەم ل بەر گیانێ شەھیدێ یەکەمێ شۆرەشا گولانێ سەیید عەبدوللاھ حەجی عۆمەرانی و ھەموو شەھیدێن کورد کوردستانێ سلاڤ دکن، ھەروەھا ھەموو تەکۆشەر، پێشمەرگە و وان نشتمانپەروەرێن کو ھەنە سپاس و تەقدیر کرن کو رۆلا خوە د شۆرەشا گولانێ دە ھەبوون و سەرفرازی ژ بۆ گەلێ مە تۆمار کرن.
