ته‌ڤی پێڤاژۆیا ئاشتیێ یا كو تركیه ناڤێ «تركیه‌یا بێ ته‌رۆر لێ دكه»، لێ هێژان ژی جوانێن كوردان ب په‌یمانێن نێڤبه‌را په‌كه‌كێ و ده‌وله‌تێ ده تێن فه‌دا كرن، ناسنامه‌یا دو چه‌كدارێن دن ئاشكه‌ره بوو كو ل ده‌ستپێكا ڤێ مه‌هێ ل چیایێ مه‌تینایێ و زاپێ ببوون ئارمانج و رێخستنێ مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كی دوهـ 27 گولانا 2025ێ ناسنامه‌یا 2 چه‌كدارێن خوه ئاشكه‌ره‌كر كو ل 1ی گولانا ئیسال 2025ێ ل چیایێ مه‌تینایێ و ده‌ڤه‌را زاپێ یێن ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ناڤێن وان ووسایه:
عومه‌ر ئیبراهیم ژ شرنه‌خێ.
ئالان كه‌مال ژ كۆبانیێ.
په‌كه‌كێ وه‌كه ته‌ڤ رێهه‌ڤالێن وان، مرنا ڤان چه‌كدارێن خوه ڤه‌شارتی هشتیه و ئیرۆ ژ نوو ڤه هاتیه و دبێژه مه هه‌ڤالێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
