ناسنامه‌یا 2 كه‌چێن كوردان یێك ژێ زارۆك كو د ناڤا په‌كه‌كێ ده دو 5 مه‌هان به‌رێ هاتنه كوشتن ژ نوو ڤه ئاشكه‌ره بوو. په‌كه‌كێ به‌رێ وان دا مرنێ و د په‌سنێ وان ده دبێژه: «وان ته‌مسیلا روحێ فه‌دایی یێ ژنێن كوردان دكر!».
په‌كه‌كێ د مه‌دیایا خوه ده وێنه‌یێن هه‌ردو كه‌چێن كورد یێن ب كۆدناڤێ «ئۆزگۆر و به‌سی» پارڤه‌كریه و گۆتیه: «د 21 چله‌یا 2025ێ ل هه‌رێما زاپێ جانێ خوه وه‌ندا كرنه».
رێخستنا په‌كه‌كێ ئه‌ڤ هه‌ردو كه‌چێن كورد وه‌كه ب هه‌زاران رێهه‌ڤالێن وان ب ناڤێ كوردستانا شێرین خاپاندن، پشتره ژ بۆی پرۆه‌ژیێن ئاپۆ یێن مینا نه‌ته‌وه‌یا ده‌مۆكراتیك و براتیا گه‌لان كو ت پێوه‌ندییا وان ب كورد و كوردستانێ ڤه تونه، دان كوشتن.
په‌كه‌كێ مرنا ئۆزگۆر و به‌سێ 5 مه‌هان ل مالباتێن وان ڤه‌شارت و ئیرۆ ژ نوو ڤه مرنا وان ئیلان بوو، رێخستن د په‌سنێ وان ده دبێژه: «وان ته‌مسلا روحێ فه‌دایی یێ ژنێن كوردان دكر!».
په‌كه‌كه هه‌ر رۆژ وێنه‌یێن كۆمێن كه‌چێن كوردان د مه‌دیایا خوه ده پارڤه‌دكه، كه‌چێن كو به‌رێ وان دایه مرنێ و مرنا وان ب سالانه ڤه‌شارتی مایه، ل گۆری وه‌نداهییێن كو ئاشكه‌ره دبن، خوه‌یا دبه كو چ ده‌وله‌تێن داگیركه‌ر و چ دژمنێن كوردان ب قاسی په‌كه‌كێ كه‌چێن كوردان نه‌كوشتنه و بێ ماف و بێ روومه‌ت نه‌كرنه.
