تولای ھاتیمۆغلاری ل دیاربەکرێ د چالاکیا داییکێن شەمیێ دە ئاخڤی و ئاماژە کر کو دڤێت دەولەت ب ئاوایەکێ فەرمی لێبۆرینێ ژ مالباتێن وەندایان بخوازە و ھەر وھا بەرپرسێن وەندابونێ ژی بهێن دادگەهکرن.
ھەڤسەرۆکا دەمپارتی تولای ھاتیمۆغلاری ل دیاربەکرێ بەشداری چالاکیا ب ناڤێ “بلا کەسێن وەندا وەرن دیتن و بەرپرسێن وەندابوونێ ژی وەرن دادگەهکرن” بوو.
ھەڤسەرۆکا دەم پارتیێ ئانی زمان کو بلا دەولەت ژ کەسێن کو بەردێل دانە ب ئاوایەکێ فەرمی لێبۆرینێ بخوازە و کەسێن تلیا وان د وەندابونان دە ھەیە ژی بلا بهێن دادگەهکرن. ئەگەر ئەڤە ببە، دێ ئێش پیچەکێ کێم ببن و برین هێن کەواندن.
چالاکیا کو ھەر شەمیێ تێ ل دارخستن د ھەفتەیا 851ێ دەیە و ھەر ھەفتە چیرۆکا کەسەک وندابویی تێ ڤەگۆتن کو ڤێ ھەفتەیێ ژی چیرۆکا حەسەن ئۆجاک ھات ڤەگۆتن.
حەسەن ئۆجاک دەما 30 سالی بوو ھاتبوو بنچاڤکرن و 58 رۆژان چ ئاگاھیەک ژێ نەھاتبوو ستاندن و پاشێ د 15 گولانا 1995 دە ل ستەنبۆلێ د گۆرستانا بێکەسان دە تەرمێ وی ھاتبوو دیتن.
حەسەن ئۆجاک ژ دێرسمێ بوو و مامۆستە بوو و پشتی بویەرێن تاخا گازی ھاتبوو بنچاڤکرن، پشتی تەرمێ وی ھاتیە دیتن ھات زانین کو ب ئێشکەنجەیێ ھاتیە کوشتن.
