سەرۆکێ پارلامەنتۆیا ترکیێ نومان کورتولموش لگەل ھەڤسەرۆکێن دەم پارتیێ تولای ھاتمۆغلاری و تونجەر باکرھان جڤیا. ل دەما دەرکەتنێ داخویانیەک ھەڤبەش ھات دایین. ھاتمۆغلاری گۆت، “مە گوھ دا گۆتنێن باخچەلی، کو خەباتا کۆمیسیۆنێ یا د ناڤ پارلامەنتۆیێ دە دێ ژ ھێلا سەرۆککۆمار ڤە هێت دەستپێکرن”؛ کورتولموش گۆت، “مە ل سەر بجھانینا بەرپرسیاریێن کو دکەڤن سەر ملێ پارلامەنتۆیا ترکیێ نیقاش کر”. کورتولموش بانگ ل پارتیێن سیاسی کر کو زمانەکی ئاڤاکەر بکاربینن و گۆت، “بلا کۆمیسیۆنا کو د پارلامەنتۆیا ترکیێ دە وەرە دامەزراندن ب باندۆر بخەبتە.”
کورتولموش ئیرۆ 2/6/2025ێ د چارچۆڤەیا سەردانا کو بەری یاسایا سزا و تەدبیرێن ئەولەھیێ، کو رێزکنامەیێن نوو دحەوینە و پێشنمایا قانوونێ یا ل سەر گوھەرتنێن ھندەک یاسایان تێخە رۆژەڤا پارلامەنتۆیا گشتی، سەردانا دەم پارتیێ کر.
پشتی سەردانێ، ھەڤسەرۆکێن دەم پارتیێ تولای ھاتمۆغلاری و نومان کورتولموش داخویانیەک ھەڤبەش دان.
ھاتمۆغلاری گۆت: “خەباتا کۆمیسیۆنێ یا کو باخچەلی پێشنیار کریە دێ ژ ھێلا برێز سەرۆکێ پارلامەنتۆیێ ڤە هێت دەستپێکرن”
ھەڤسەرۆکا دەم پارتیێ گۆت: “مە بھیست کو برێز باخچەلی د پێڤاژۆیا پێش دە چ گۆتیە، کو خەباتا کۆمیسیۆنێ یا د ناڤ پارلەمەنتۆیێ دە ژی دێ ژ ھێلا برێز سەرۆکێ پارلامەنتۆیێ ڤە هێت دەستپێکرن. ئەم دخوازین ژ بۆ سەردانا وی یا خوەش سپاسیا وی بکن و ژێ رە سەرکەفتنێ دخوازن.” “مە ل سەر بەرپرسیاریێن پارلامەنتۆیا ترکیێ نیقاش کر.”
کورتولموش پشتی سەردانێ داخویانیەک دا و وھا گۆت:
“مە د چارچۆڤەیا سەردانێن کو ژ بۆ پارتیێن سیاسی کرین سەردانا دەم پارتیێ کر. مە دانووستاندنەک پر بەرھەمدار و ئاڤاکەر پێکانی. مە ھەر وھا ل سەر بجھانینا بەرپرسیاریێن پارلامەنتۆیا ترکیەیێ د وارێ پاقژکرنا تەڤاھییا ترکیێ ژ تەرۆرێ، مسۆگەرکرنا یەکیتی و براتیێ، و پێشڤەبرنا بێھتر ستانداردێن دەمۆکراتیکێن ترکیێ د سەردەما پێش دە نیقاش کر. ب خێرا خوەدێ، داخویانیا ژ ئیمرالیێ، و پشترە داخویانیا کو چەک دێ هێن دانین، نھا گھیشتیە خالەکێ کو دکارە ل پارلامەنتۆیا ترکیێ، کو ناڤەندا ئیرادەیا نەتەوەیی یە، هێت نیقاش کرن. ئەم دفکرین کو دڤێت ھەمی پارتیێن سیاسی ب ئاوایەکی ئاڤاکەر پێڤاژۆیێ ل ڤر بقەدینن و ژ ڤێ دەرفەتا دیرۆکی یا کو ھاتیە پێشیا مە سوود وەربگرن دا کو سەردەمەک نوو ل ترکیێ دەست پێ بکە. ئەز ھێڤی دکم کو کۆمیسیۆنا کو د رۆژێن پێش دە ل پارلامەنتۆیا ترکیێ وەرە دامەزراندن دێ بکاربە ب باندۆر بخەبتە. ئەز ھێڤی دکم کو ئەڤ سەردەمە دێ ب خێر و بەرەکەت بە.”
