ناسنامه‌یا چه‌كداره‌كه ئه‌لمان یا د ناڤ په‌كه‌كێ ده ئاشكه‌ره بوو كو ل نیسانا ئیسالێ ل زاپێ هاتیه كوشتن، په‌كه‌كێ گۆت: ئه‌و گه‌ریلایه‌كا ئەنتەرناسیۆنالیست بوو، ژیانا رحه‌ت یا ل ئالمانیایێ ژ بۆی وێ نه‌خوه‌ش بوو، ئه‌وێ ئاپۆ فێهم كر، لۆما ژی به‌رێ خوه دا رێخستنێ!!.
رێخستنا په‌كه‌كێ دوهـ رۆژا دوشه‌می 2 هه‌زیرانا 2025ێ ناسنامه‌یا چه‌كداره‌كه خوه یا ئالمان ئاشكه‌ره كر كو ل 29 نیسانا ئیسالێ ل زاپێ كه‌تیه به‌ر ئێریشێن ده‌وله‌تا ترك و ژیانا خوه ژ ده‌ست دایه، په‌كه‌كێ مرنا وێ ڤه‌شارتی هشتبوو و پاش ده‌رباسبوونا پێتری مه‌هه‌كێ ژ نوو ڤه مرنا وێ راگهاند.
ئه‌ڤ كه‌چا ئه‌لمان یا كو په‌كه‌كێ به‌رێ وێ دایه مرنێ ناڤێ وێ Kelly Freygang یه، ئه‌و ژ باژارێ هامبوورگێ یه، زانینگه‌ها حقووقێ خوه‌ندیه، ل سالا 2022 ته‌ڤلی رێخستنێ ببوو.
په‌كه‌كه دبێژه: وێ ژیانا رحه‌تا ل ئه‌ورۆپایێ لاواز دیت، لۆما پارادیگمایا رێبەرێ مە فێهم کر و ئه‌ول جار ته‌ڤلی رێخستنا جوانان بوو، پشتره په‌كه‌كێ.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كو د سال و مه‌هێن به‌رێ ده فه‌دا كرنه پارڤه‌دكه، ل گۆری ئاگاهیێن ده‌ستێ مه، هێژان ژی ب هه‌زارن كه‌چ و جوان مانه كو په‌كه‌كێ مرنا وان ئیفشا نه‌كری یه.
