“شەرێ داوی یێ جەنەرال” کو رۆمانا داوی یا نڤیسکارێ ناڤدار جان دۆستە، ژ لایێ وەشانێن دۆزێ ڤە ھاتیە چاپکرن.
رۆمانا کو قالا ژیان و تێکۆشینا رێبەرێ کورد مەلا مستەفا بارزانی دکە، ژ 362 رووپەلان پێک تێ و ئەدیتۆریا ڤێ بەرەھەمێ ژی ئەنگین ئۆلمەز کریە.
ئەڤ بەلگە-رۆمانا دیرۆکی کو ل سەر تێکۆشینا جەنەرال مەلا مستەفا بارزانی رادوەستە د ھەمان دەمێ دە ب زمانێ عەرەبی ژی ل بەیروتێ ھاتیە چاپکرن.
ئەڤ بەشەک ژ ژ رووپەلا 170ێ یا رۆمانێیە:
““ژ مە رە گۆتن نھا ئەم د ناڤ ئاخا ترکیەیێ دە نە. چیا ھەر یەک بوون، گەلی یەک بوون، زمان یەک بوو ل ھەر دو ئالیان، لێ ل ڤی ئالی ناڤ ئیراق بوو و ل باکور ناڤ ترکیە بوو. چیایێن مە بوون و خەلک ژی یێ مە بوو. لێ وەکی کو دبێژن مالێ ل مالخوێ حەرام بە ل مە ھاتبوو. ئەم ب ترس ل سەر ئاخا وەلاتێ خوە تەڤدگەریان. ل ڤی ئالی نەیار، ل وی ئالی نەیار و ل پێشیا مە ژی نەیار.”
ھەروھا وەشانێن دۆزێ د پشتبەرگا رۆمانێ دە وھا نڤیسیە:
“جەنەرالەکی ل بەر سەکەراتێ، د خەون و خەیالێن خوە دە، ھەسپێ بیرئانینێن خوە ب چارگاڤی دهاژۆت سەر خوەزی، شەرێن دژ ناڤخوە-دەرڤەیی، کۆچبەری، خیانەتێن، زلم و سەرھلدانان و خوینەران دکە شریکێ تێکچوون و سەرکەفتنان.
ئەڤ رۆمان تێکۆشینا بێناڤبەر یا جەنەرالی، خەونا وی یا ژ بۆ ئازادیا کوردستانێ و قێرینا ھێڤیێن وی یێن نەتەمامە.”
