ناڤێن ئەندامێن شاندەیا کوردی یا کو دێ ب حکوومەتا سووریەیێ رە ل سەر مافێن کوردان دان و ستاندنان بکە، هاتن ئەشکەرەکرن.
هەڤسەرۆکاتیا شاندەیا کوردی داخویانیەکە نڤیسکی بەلاڤ کر.
ئەندامێن شاندەیا کوردی یا کو پشتی «کۆنفەرانسا یەکرێزی و یەکهەلوەستا کوردی یا رۆژئاڤایێ کوردستانێ» هات ئاڤاکرن ب داخویانیەکە نڤیسکی هات ئەشکەرەکرن.
ناڤێن ئەندامێن شاندەیا کوردی یا «هەڤدیتنێن ب حکوومەتا سووریەیێ، ئالیێن ناڤنەتەوەیی و کوردستانی رە» هاتن ئەشکەرەکرن.
هات دیارکرن کو شاندەیا کوردی دێ د چەند رۆژێن پێش دە دەست ب هەڤدیتنێن خوە بکە.
ل گۆری داخویانیێ، شاندەیێ جڤینا خوە یا دامەزراندنێ 4ێ هەزیرانێ ب بەشداریا فەرماندارێ گشتییێ هێزێن سووریەیا دەمۆکراتیک (هه‌سه‌دێ) مەزلووم عەبدی و فەرماندارا یەکینەیێن پاراستنا ژنێ (یه‌په‌ژێ) رۆهلات عەفرینێ و ئەنداما دیوانا کۆنفەرانسا یەکرێزی و یەکهەلوەستا کوردی یا رۆژئاڤایێ کوردستانێ ئیلهام ئەحمەدێ ل دار خست.
هەڤسەرۆکاتیا شاندەیا کوردی د داخویانیا خوە دە راگهاند:
«پشتی شێورێن د ناڤبەرا ئالیێن بەشداری کۆنفەرانسا یەکرێزی و یەکهەلوەستا کوردی دە بوونە کو 26ێ نیسانا ئیسال هات لدارخستن و ل گۆری بریارا کۆنفەرانسێ یا پێویستیا ئاڤاکرنا شاندەیەکە هەڤبەشا کوردی ژ بۆ دیالۆگێ ب حکوومەتا شامێ، ئالیێن ناڤنەتەوەیی و کوردستانی رە ل گۆری نێرینا هەڤبەشا کوردی یا دەربارێ سووریەیێ و دۆزا کوردی دە، شاندەیێ جڤینا خوە یا دامەزرینەر 4ێ هەزیرانێ ل دار خست.
د جڤینێ دە فەرمانداریا گشتی یا هێزێن سووریا دەمۆکراتیک (هه‌سه‌دێ) مەزلووم عەبدی و رۆهلات عەفرین، ئەنداما دیوانا کۆنفەرانسێ ئیلهام ئەحمەد ئامادە بوون و شاندە دێ د چەند رۆژێن بێ دە یەکسەر دەست ب ئەرکێن خوە بکە».
هەڤسەرۆکاتیا شاندەیا کوردی ناڤێن ئەندامان ئەشکەرە کر:
سەرۆکاتیا شاندەیێ:
محەمەد ئیسماعیل: سەرۆکێ پارتیا دەمۆکراتا کوردستانێ – سووریە.
پەروین یووسفێ: هەڤسەرۆکا پارتیا یەکیتیا دەمۆکرات.
ئەندامێن شاندەیێ:
سلێمان ئۆسۆ: سەکرەتەرێ پارتیا یەکیتی یا کوردستان – سووریێ.
فەیسەل یووسف: کۆئۆردیناتۆرێ گشتییێ تەڤگەرا چاکسازیا کوردی – سووریە.
سەلاح دەرویش: سەکرەتەرێ پارتیا پێشڤەروو یا دەمۆکراتا کوردی ل سووریێ.
ئالدار خەلیل: ئەندامێ کۆمیتەیا هەڤسەرۆکاتیێ یا پارتیا یەکیتیا دەمۆکراتیک.
رەیحان لۆقۆ: ئەنداما کۆئۆردیناسیۆنا کۆنگرەیا ستار.
ئەحمەد سلێمان: جیگرێ سەکرەتەرێ پارتیا دەمۆکراتا پێشڤەروو کوردی ل سووریەیێ.
نەسرەدین ئیبراهیم: سەکرەتەرێ پارتیا دەمۆکراتا کورد ل سووریێ (ئەل-پارتی).
