رێخستنا په‌كه‌كێ ناسنامه‌یا 3 چه‌كدارێن خوه یێن دن ئاشكه‌ره كر كو به‌ری 5 مه‌هان ل هه‌رێما زاپێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دابوون و مرنا وان ڤه‌شارتی هشتبوو.
هه‌په‌گێ دوهـ رۆژا دوشه‌می 9 هه‌زیرانا 2025ێ ناسنامه‌یا 3 چه‌كدارێن خوه یێن ب ناڤێن كۆد: عه‌باس باران، لۆرین گه‌ڤه‌ر و ره‌وان كۆچه‌ر ئاشكه‌ره كرن كو ل چله‌یا ئیسال 2025ێ ل هه‌رێما زاپێ كه‌تبوونه به‌ر ئێریشێن ده‌وله‌تا ترك و ژیانا خوه ژ ده‌ست دا بوون.
په‌كه‌كێ مرنا ڤان چه‌كدارێن خوه ژی 5 مه‌هان ڤه‌شارتبوو و ژ نوو ڤه ئیرۆ هاتیه گۆتیه مه ئه‌و وه‌نداكرنه و ئه‌م وان ب رێزداری ببیر تینن.
د په‌سنێ وان ده په‌كه‌كێ ئه‌ڤ 3 چه‌كدار ب ملیتان و فه‌داكارێن ئاپۆ پێناسه كرنه و گۆت كو فه‌دایێ ئاپۆ بن!.
جوانێن كوردان ژ بۆی په‌كه‌كێ وه‌كه فیشه‌كا ل به‌ر تڤه‌نگێ بوون، ئه‌و وه‌كه به‌رخكان د شه‌رێ بێ ئه‌نجام ده دهاتن فه‌دا كرن، ئه‌ڤ رێخستن زارۆكێن كوردان ب ناڤێن كوردستانا شێرین دخاپاندن، به‌رێ وا ددا مرنێ و پشتره تێ و بانگه‌شێ بۆ خوه ب خوینا وان دكه.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پار ڤه‌دكه، جوانێن كو د سال و مه‌هێن به‌رێ ده هاتنه كوشتن و مرنا وان ڤه‌شارتی هشتیه.
