ناكۆكیێن د كۆنسه‌یا په‌كه‌كێ ده ده‌ربارێ بریارا خوه‌هلوه‌شاندنێ ئاشكه‌ره بوون
رێبه‌رتییا په‌كه‌كێ ده‌ر بارێ هلوه‌شاندنا رێخستنێ و بجیهـ كرنا بانگا ئۆجالان ناكۆكه، هنه‌ك ژ ئه‌ندامێن كۆنسه‌یا په‌كه‌كێ و كادرۆیێن پێشه‌نگ ل دژی كۆنگره‌یا خوه‌هلوه‌شاندنێ نه و ڤێ گاڤێ ره‌دكن و وه‌كه ته‌سلیمبوون دبینن.
مالپه‌رێ ئه‌لعه‌ره‌بی ئه‌لـ جدید به‌لاڤكریه كو ژبه‌ر هه‌بوونا ناکۆکیان د ناڤبەرا کەسایەتێن پێشەنگێن پارتیا کارکەرێن کوردستانێ (په‌كه‌كێ) دە، ل سه‌ر بریارێن كۆنگره‌ی، بانگا ئۆجالان و خوه‌هلوه‌شاندنا پارتیێ، بریارێن كۆنگره‌ی ب یه‌ك ده‌نگی نه‌هاتنه گرتن.
ده‌ستنیشان كر، هن کادرۆیێن مەیدانێ و یێن سیاسی یێن په‌كه‌كێ گومانێن خوە ژ ئاوایێ هلوەشاندنا پارتیێ و دانینا چەکان هه‌نه و رەد دکن.
ئه‌لعه‌ره‌بی ئه‌لـ جه‌دید ژ زارێ هنه‌ك چاڤكانیێن ده‌ردوورا په‌كه‌كێ به‌لاڤ كریه كو بریارێن كۆنگره‌ی ب یەکدەنگی نەهاتنه گرتن. به‌شه‌كی رێخستنێ هەیە کو ڤێ گاڤێ رەد دکە و وێ وەکی تەسلیمبوون دبینە، هنه‌كێن دن ژی باوەر دکن کو ئەو بریار بلەز بوو و نه ل بەرامبەری ت گارانتیان هاتیە کرن.
هات راگهاندن، ناکۆکی ل سەر ئاوایێ چەکدانینێ و و گارانتیێ یه، كادرۆیێن نه‌رازی ل وێ باوه‌رێ نه كو حکوومەتا ترکیێ دێ ئەرکێن خوە یێن ل هەمبەر پارتیا کارکەرێن کوردستانێ ب جیهـ نه‌ئینه.
