سەرۆک مەسعوود بارزانی پەیامەک ل سەر وەفاتا کەریم شنگالی راگهاند و گۆت: « ئه‌و پێشمەرگەیێ رێبازا بارزانی و کوردایەتیێ بوو».
وەزیرێ بەرێ یێ کارێن ناڤخوە یێ هەرێما کوردستانێ و برێڤەبرێ بەرێ یێ ئۆفیسا سەرۆکێ هەرێما کوردستانێ، کەریم شنگالی د 75 سالیا خوە دە کۆچا داوی کر.
بارەگەها بارزانی ل سەر وەفاتا کەریم شنگالی پەیامەک بەلاڤ کر.
سەرۆک بارزانی ل سەر کەریم شنگالی ئانی زمان:
«ئەو د قۆناغێن جودا یێن خەباتا گەلێ مە و پارتیا دەمۆکراتا کوردستانێ دە هەر دەم یەک ژ کادرۆیێن ژێهاتی یێن په‌ده‌كێ و تەڤگەرا رزگاریخوازا کوردستانێ بوو.
د دەستپێک و رابوونا شۆرەشا گولانێ دە فەرماندارەکی چالاک و سەرەکی بوو.
هەر وها د سەردەما خەباتا چیایی و پشتی سەرهلدانێ و د کار و بارێن سیاسی و ئیداری و دیپلۆماتیک دە ئەرکێن خوە ب دلسۆزی و گەلەکی باش ب جهـ ئانین».
سەرۆک بارزانی د بەشەکە دن یا پەیاما خوە دە گۆت: «کەریم شنگالی پێشمەرگەیێ رێبازا بارزانی و کوردایەتیێ بوو.
ژ بۆ من ژی وەکی هەڤالەکی نێزیک و هەڤرێیێ رێیا خەباتێ بوو.
ژیانا خوە ژ بۆی دۆزا رەوا یا گەلێ کوردستانێ و بدەستخستنا ئارمانجێن بلندێن گەلێ کوردستانێ تەرخان کر، ژدەستدانا وی زیانەکە مەزنە».
