ناسنامه‌یا دو گه‌ریلایێن دن یێن په‌كه‌كێ ئاشكه‌ره بوو كو پشتی كۆنگره‌یا په‌كه‌كێ یا خوه‌هلوه‌شاندنێ كه‌تنه به‌ر ئێریشان و ژیانا خوه ژ ده‌ست دا نه.
هه‌په‌گێ ئیرۆ رۆژا چارشه‌می 11 هه‌زیرانا 2025ێ ناسنامه‌یا دو گه‌ریلایێن خوه یێن ب ناڤێن كۆد باوه‌ر سه‌رحه‌د و وه‌لات هێمن ئاشكه‌ره كر كو ل 30 گولانا ئیسالێ ئانگو پاش كۆنگره‌یا په‌كه‌كێ یا خوه‌هلوه‌شاندێ ل هه‌رێما زاپێ كه‌تنه به‌ر ئێریشان و هاتنه كوشتن.
هه‌په‌گێ مرنا وان ژی 12 رۆژان ڤه‌شارتبوو و ژ نوو ڤه ئیرۆ راگهاند ئه‌و وه‌ندا كرنه.
هه‌په‌گێ د په‌سنێ وان ده گۆتیه ئه‌و ملیتانێن فه‌دایی یێن ئاپۆ بوون.
ته‌ڤی پێڤاژۆیا ئاشتیێ و خوه‌هلوه‌شاندنا په‌كه‌كێ، ئێریشێن ده‌وله‌تا ترك هێژان ژی ل دژی په‌كه‌كێ ل ده‌ڤه‌رێن باشوورێ كوردستانێ ده‌وام دكن، ل گۆری ئاگاهیێن ده‌ستێ مه ژ ده‌ما بانگا ئۆجالان یا 27 سباتا ئیسال 2025ێ، نێزی 25 چه‌كدارێن په‌كه‌كێ ب ئێریشێن تركیه‌یێ ژیانا خوه ژ ده‌ست دا نه.
