سەرۆکوەکیلا کۆما دەم پارتیێ دیار کر کو دڤێ هەموو پارتیێن سیاسی بکارن بچن ئیمرالیێ و ب ئابدوڵاهـ ئۆجالان رە هەڤدیتنێ بکن و ژ بۆ وێ ژی دڤێ سەرەراستکرن بێن کرن.
سەرۆکوەکیلا کۆما دەم پارتیێ گولستان کلچ کۆچییگیتێ ئیرۆ ل پارلامەنتۆیا ترکیەیێ ل سەر مژارێن د رۆژەڤێ دە داخویانیەک دا و ئاماژە ب پێڤاژۆیا هاتیە دەستپێکرن کر و جارەکە دن ئانی زمان کو دڤێ پارلامەنتۆیا ترکیەیێ رۆل وەربگرە و بلەز کۆمیسیۆنەکێ ئاڤا بکە.
وێ هەر وها بال کشاند سەر وێ یەکێ کو کەس و پارتیێن بخوازن بچن ئیمرالیێ دڤێ بکاربن بچن و ژ بۆ ڤێ یەکێ بانگی وەزیرێ دادێ یێ ترکیەیێ کر.
هه‌روه‌ها گۆت: «پشتی بریارا په‌كه‌كێ یا بداویکرنا شەرێ چەکداری و خوەفەسخکرنێ گرینگە کو هەموو پارتیێن سیاسی بچن گراڤا ئیمرالیێ و ب ئۆجالان ره هەڤدیتنێ بکن، ژ به‌ر كو ئۆجالان دخوازە پێڤاژۆیێ بێ ناڤبەینکار نیقاش بکە».
سەرۆکوەکیلا کۆما دەم پارتیێ د ئاخافتنا خوە دە دیار کر کو ئاڤاکرنا کۆمیسیۆنێ بەریا بێهنڤەدانێ گرینگە و جارەکە دن بانگی سەرۆکێ پارلامەنتۆیا ترکیەیێ کر کو بکەڤە ناڤ لڤ و تەڤگەرێ.
