رێخستنا په‌كه‌كێ ئیرۆ راگهاند، ئێریشێن ده‌وله‌تا ترك یێن ل دژی چه‌كدارێن وێ ل مه‌تینایێ، رۆژئاڤایێ زاپێ و ده‌ردوورا ئامێدیێ ده‌وام دكن و گۆت كو گه‌ریلا خوه دپارێزن.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 12 هه‌زیرانا 2025ێ ئامارا ئێریشێن تركیه‌یێ یێن هه‌فته‌یا رابووری ئاشكه‌ره كرن و گۆت: «ژ 5 ڤێ مه‌هێ ڤه، ئارتێشا تركیه‌یێ ب هه‌ر جۆره چه‌كان ئێریشێن گه‌ریلایان ل هه‌رێمێن مه‌تینایێ، ئامێدیێ و رۆژئاڤایێ زاپێ كریه».
ده‌ستنشان كر، ئێریش ب ئاسمانی و به‌ژاهی هاتنه ئه‌نجام دایین و گه‌ریلا خوه د پارێزن.
وه‌زاره‌تا به‌رگریێ یا تركیێ ل هه‌فته‌یا رابووری راگهاندبوو كو ئەوێ ئۆپەراسیۆنێن خوە یێن لەشکەری ل دژی په‌كه‌كێ بدۆمینە، هەتا کو هەرێم “پاقژ ببە” و “گەفا رێخستنێ ژ هۆلێ رابە”.
رێخستنا په‌كه‌كێ دیار دكه کو هەر چەند وان ژ بۆ سەرخستنا پێڤاژۆیا ئاشتیێ ئاگربەستەکە یەکئالی راگهاندیە ژی، لێ ئارتێشا ترکیەیێ هێژان ژی ئێریشێن خوه نه راوه‌ستاندنه.
