سەرۆکێ ئیرانێ مەسعوود پزيشکيان ئیرۆ رۆژا د ئاخافتنا خوە یا ژ بۆ مللەتی دا گۆت کو “بەرسڤا رەوا و ب هێزا ئیرانێ دێ ببە سەدەما کو ئیسرائیل ژ ڤێ کریارا خوە یا بێئاقل و ئه‌حمه‌ق پۆشمان ببە”.
پزیشکیان پشتی کو ئیسرائیلێ پێلەک ئێریشان ل سەر چەند باژارێن ئیرانێ دا دەستپێکرن، ژ ئیرانیان خوەست کو “باوەریا خوە ب سەرۆکاتیا خوە بینن و ل کێلەکا وان بسەکنن”.
ئیسرائیلێ سبەها ئیرۆ رۆژا ئینێ ئێریشێن بەرفرەهـ ل سەر ئیرانێ دان دەستپێکرن، و ئیدیعا کر کو وان سازیێن ئه‌تۆمی یێن ئیرانێ، کارگەهێن مووشەکێن بالیستیک، پەرگالێن پاراستنێ یێن ئیرانێ و سەرکردەیێن لەشکەری یێن ناڤدار هەدەف گرتنە، و تەکەز کر کو ئەڤ “دەستپێکا پێڤاژۆیەک درێژە ژ بۆ پێشیگرتنا ل پێشخستنا چەكا ئه‌تۆمی یا تەهرانێ یه”.
ئاژانسا ئەنەرژیا ئه‌تۆمی یا ناڤنەتەوەیی، ژ ئالیێ خوە ڤە، گۆت کو رایەدارێن ئیرانێ ئه‌و ئاگاهدار کرنە کو ریاکتۆرا ئه‌تۆمی یا بوشەهرێ نەهاتیە هەدەفگرتن، و دەستنیشان کر کو سازیا ئه‌تۆمی یا فۆردۆوا ژی “هەتا نها ژ ئێریشێن ئیسرائیلێ باندۆر نەبوویە”.
