سەرۆکاتیا ھەرێما کوردستانێ ئێرشێن ئیسرایلێ یێن ل سەر ئیرانێ شەرمەزار کر

سەرۆکاتیا ھەرێما کوردستانێ داخویانیەکە نڤیسکی بەلاڤ کر و ئێرشێن ئیسرائیلێ یێن ل سەر ئیرانێ شەرمەزار کرن و گۆت:

“ئەم ئێرشا ئیسرایلێ یا ل سەر کۆمارا ئیسلامی یا ئیرانێ و بکارئانینا ھێزا لەشکەری د چارەسەرکرنا ناکۆکیان دە شەرمەزار دکن.

ئەڤ بوویەرێن داوی رەوشا ئارام و ئستقرارا ھەرێمێ ئالۆزتر دکن و دبن گەف ل سەر ئەولەھی و ئستقرارا ھەرێمی و ناڤنەتەوەیی.

رووبرووبوون و تەدبیرێن لەشکەری، رەوشێ خرابتر دکن.

د ڤێ دەما ھەستیار دە، ئەرکێ جڤاکا ناڤنەتەوەیییە کو کارڤەدانەکا بلەز و لەزگین نیشان بدە و کار بکە کو ئالۆزی و تەڤلھەڤی زێدەتر بەلاڤ نەبن و د دەمەکە نێز دە پێشیا کریزێ بگرە.”