كه‌جه‌كێ دەربارێ ئێرشێن ئیسرائیلێ یێن ل دژی ئیرانێ د داخویانیەک دا و پۆلیتیکایێن شەر ب توندی شەرمەزار کر و دیار کر کو شەر ژ بلی ئێش، مرن و وێرانیێ تشتەکی ب خوە رە ناینە و بانگ ل هەموو ئالیان کر کو دەڤ ژ شەر بەردن و ب رێیا سیاسەتا دەمۆکراتیک و دیالۆگێ پرسگرێکان چارەسەر بکن.
كه‌جه‌كێ دەستنیشان کر: “شەرێ کو ب دەستێ دەولەتان ب ئارمانجا دەستهلاتداری و هەگەمۆنیایێ تێ پێشخستن، ب تو شێوەیێ ژ پرسگرێکان رە نابە چارەسەری و ئێشێن مەزن ددە گەلان. ئەم ڤی شەرێ کو ل گەلان ددە ونداکرن و رێ ل بەر هلوەشاندن و زرارێ ڤەدکە، شاش دبینن و شەرمەزار دکن.”
كه‌جه‌كێ د دەواما داخویانیا خوە دە بال کشاند سەر پارادیگمایا رێبەرێ په‌كه‌كێ ئابدوڵاهـ ئۆجالان و وەک ریا چارەسەریێ نیشان دا. د داخویانیێ دە وها هات گۆتن: “ئەم د وێ باوەریێ دەنە کو دڤێ پرسگرێک ب رێبازا سیاسەتا دەمۆکراتیک و موزاکەرەیا دەمۆکراتیکا کو رێبەر ئاپۆ دانیە هۆلێ، وەرن چارەسەرکرن. ئەم بانگ ل هەر کەسی دکن کونە ب شەر لێ ب سیاسەتا دەمۆکراتیک، دیالۆگ و موزاکەرەیێ پرسگرێکان چارەسەر بکن.”
