فه‌رماندار ده‌لیل ژ به‌ر كو كورد و كوردستانی بوو، په‌كه‌كێ ته‌سفیه كر
رێخستنا په‌كه‌كێ ناسنامه‌یا فه‌رمانداره‌كی دن یێ خوه ئاشكه‌ره كر و ئیدیعا كر كو ئه‌و ل قه‌ندیلێ شه‌هید بوویه، لێبه‌لێ یا راست ژ به‌ر كو ئه‌و كوردپه‌روه‌ر و كوردستانی بوو و نه‌فره‌ت ل رێڤه‌به‌رییا قه‌ندیلێ دكرن، له‌وما ژی رێخستنی ئه‌و ته‌سفیه‌كر.
فه‌رماندارێ هه‌په‌گێ یێ ب ناڤێ كۆد ده‌لیل ته‌مه‌ل، ناڤێ وی یێ درست خه‌تیب ئه‌مینه، ئه‌و ژ سێرتێ یا باكورێ كوردستانێ یه، پشتی كو ل ته‌باخا سالا 2021ێ ژ هێلا په‌كه‌كێ ڤه هاتیه تاسفیه كرن، په‌كه‌كێ ژ نوو ڤه به‌ری دو رۆژان مرنا وی راگه‌هاند كر و گۆت كو ئه‌و ده‌لیلی ب رێزداری ب بیر تینن!!
ده‌لیل كی یه، په‌كه‌كێ چ ئانی سه‌رێ وی:
دەلیل تەمەل، د سالا 1992ێ دا تەڤلی رەفێن گەریلا بوو، دەلیل ل گەلەک دەڤەرێن کوردستانێ خەبات و فەداکاری کرینە، دەلیل پشتی دەمەکێ درێژ هاتە قەندیلێ، ئەو ل سالا 2004-2005 ژ به‌ر كارێن پژاكێ بۆ کێلەرەشێ هاته شاندن، دەلیل ل وێرێ په‌یوه‌ندی ل گه‌ل ژنه‌كا گەریلا یا رۆژئاڤایی چێکرن و ژ هەڤ حەز کرن.
پشتی دەمەکی رێخستنێ دەلیل و ئەو ژن ژ هەڤ دوور ئێخستن، ئه‌و شاندن رۆژئاڤا و ل وێرێ ل گه‌ل ئالدار خەلیل روو ب روو یەک هاتن و ئالدار خەلیل راپۆرت ده‌ربارێ ده‌لیل بۆ رێڤەبەرییا كه‌جه‌كێ جەمیل بایک شاند و پاشی ئه‌و شانده قەندیلێ، دەلیلی په‌یوه‌ندیێن خوە ل گه‌ل وێ ژنێ قوت نەکرن، ژ بۆ وێ چەندێ ژی دەلیل د دەورەیەکا پەروەردێ را هاته دەربازکرن و ئەو ل گه‌ل گرووپەکی بۆ كارێن په‌كه‌كێ شاندنه ئەرمەنستانێ، ئه‌و گرووپ ب قاچاغی چوونه د خاکا ئەرمەنستانێ دا.
کادرێن په‌كه‌كێ یێن ل ئەرمەنستانێ ژ به‌ر کو وان نە د خواستن ئەو گرووپێ ده‌لیلی بهێنه جهێ وان و ئەو ڤەگەرنە قەندیلێ، ل ئستخباراتا ئەرمەنستانێ ده‌لیل و گرووپێ وی ئیخبار كرن، دەولەتا ئەرمەنستانێ ب وان حەسیان و كار بۆ ده‌سته‌سه‌ر كرن و راده‌ستكرنا وان بۆ تركیه‌یێ كر.
لێ دەلیلی و هەڤالێن خوە، خوە ڤەشارتن و جاب دانە رێخستنا په‌كه‌كێ ل ئەرمەنستانێ، لێ كادرێن په‌كه‌كێ ل ئەرمەنستانێ جاره‌كا دی خیانەت ل دەلیلی و هەڤالێن و کرن و گۆتنە وان: «ئه‌م ل گەل بەرپرسیارێن حکوومەتا ئەرمەنستانێ ئاخفتینە چ کێشە بۆ هه‌وه چێنابن وەرن و خوە رادەست بکن».
دەلیلی و هەڤالێن خوه، چاوا خوە رادەست كرن ئستخباراتا ئەرمەنستانێ وان دەستەسەر دکەت و هەر یەک ژ وان 4 سال زیندان كرن، ئه‌و 3 سال و نیڤان د زیندانێن ئەرمەنستانێ دا مان و ل سالا 2014ێ دهێنه بەردان و بۆ باشوورێ كوردستانێ هاتنه شاندن.
په‌كه‌كێ دەلیل شانده كه‌ركوو و ل وێرێ ئه‌ركێن رێخستنێ ب رێڤه دبرن، هەتا کو رۆژا کەرکووک ژی کەتیە دەستێ حەشدا شه‌عبی، دەلیلی و چەند هەڤالێن خوە د خواستن شەری بکه‌ن، لێ قەندیلێ بریار دا بوو كو هه‌ر ئه‌ندامه‌كێ وان یێ ژ فه‌رمانێ ده‌ركه‌ڤیت و شه‌ری بكه‌ت، خائینه، ئەو ژی مەجبوور دبن د بن چاڤدێرییا حەشدا شه‌عبی دا ل ترومبێلان سوار دبن، هنده‌ك ژ وان چوونه مه‌خموورێ و هنده‌ك ژی ده‌رباسی هه‌رێمێن دن یێن په‌كه‌كێ بوون.
دەلیلی کورد پەروەر و کوردستانی بوو، لێ ئەو چەندین سالان ژ به‌ر خوه‌شتڤییا خوە ل چیای ما، خوه‌شتڤییا وی ژی ئەو ل چیایی گیرۆ دکر، ئه‌و ئه‌ندام بوو د رێڤەبەرییا ژنێ یا په‌كه‌كێ دا، ئەم د کارین بێژن كو دەلیل ژ ئالیێ حه‌زكرییا خوه ڤه ژی هاته خاپاندن.
دەلیل ژ رێڤەبەریا قەندیلێ نەفرەت دکرن، گەلەک هەڤالێن کادر ژی ب رەوشا دەلیل د حەسیان، هەتا سالا 2021ێ، په‌كه‌كێ ئه‌و ژ کەرکووکێ بۆ ئه‌ركه‌كه‌كی گازی كره قەندیلێ و ل وێرێ دا کوشتن ژ به‌ر كو رێخستنێ دزانی ئه‌و دێ ڤه‌قه‌تیت، ژ بۆ په‌كه‌كێ شەهیدبوونا دەلیلی باشتر بوو ژ ڤەقەتیانا وی ژ ناڤا په‌كه‌كێ.
