رێخستنا په‌كه‌كێ ناسنامه‌یا دو كه‌چێن دن یێن كوردان ئاشكه‌ره كر كو ئه‌و ژی وه‌كه ب هه‌زاران جوانێن دن یێن كوردان فه‌دایێ تێز و پرۆژه‌یێن گه‌نی یێن ئا*پۆ یێن ب ناڤێ «نه‌ته‌وه و جڤاكا ده‌مۆكراتیك و براتییا گه‌لان» كرنه.
په‌كه‌كێ ئه‌ڤ دو كه‌چێن ب ناڤێن «ریما عه‌لی و میدیا وه‌لید» كو ژ تل ته‌مرێ و عه‌فرینێ نه، ل 10 تیرمه‌ها سالا رابووری 2024ێ ل زاپێ به‌رێ وان دا مرنێ و ئیرۆ ژ نوو ڤه هاتیه مرنا وان ئیفشا كریه.
د په‌سنێ وان ده په‌كه‌كێ ئه‌ڤ 2 كه‌چه ب ملیتان و فه‌داكارێن ئاپۆ پێناسه كرنه و گۆت كو فه‌دایێ ئاپۆ بن!.
جوانێن كوردان ژ بۆی په‌كه‌كێ وه‌كه فیشه‌كا ل به‌ر تڤه‌نگێ بوون، ئه‌و وه‌كه به‌رخكان د شه‌رێ بێ ئه‌نجام ده دهاتن فه‌دا كرن، ئه‌ڤ رێخستن زارۆكێن كوردان ب ناڤێن كوردستانا شێرین دخاپاندن، به‌رێ وا ددا مرنێ و پشتره تێ و بانگه‌شێ بۆ خوه ب خوینا وان دكه.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پار ڤه‌دكه، جوانێن كو د سال و مه‌هێن به‌رێ ده هاتنه كوشتن و مرنا وان ڤه‌شارتی هشتیه.
