رێبه‌رێ په‌كه‌كێ عه‌ڤدللا ئۆجالان ده‌ربارێ كریزا ئیسرائیلێ دبێژه: هه‌گه‌ر ئیسرائیل ته‌ڤلی پرۆژه‌یا من یا «نه‌ته‌وه‌یا ده‌مۆكراتیك» ببه، دێ پرسگرێكا وێ چاره‌سه‌ر به.
مه‌دیایا فه‌رمی یا په‌كه‌كێ دوهـ رۆژا یه‌كشه‌می 15 خزیرانا 2025ێ، نرخاندنه‌كه رێبه‌رێ خوه ده‌ربارێ ئیسرائیلێ پارڤه‌كریه كو تێ ده دبێژه ل پێشیا ئیسرائیلێ 2 رێ هەنە:
یا دەستپێکێ؛ ب خەتا هەیی ژ بۆ دەوامکرنا هەگەمۆنیایێ دێ هه‌رده‌م شەر بکە و ڤەگوهەرە ئیمپراتۆریەکە هەرێمی.
یا دویەمین ژی؛ خوە ژ ناڤا خەلەکا دژمنان رزگار بکە و تەڤلی پرۆژەیا یەکیتیا نەتەوەیا دەمۆکراتیک ببە.
ئۆجالان دبێژه: ریا دویەمین ئەوە، ئیسرائیل ژ ناڤا چەمبەرا دژمنان ئه‌وا هەرده‌م خورت دکارە دەرکەڤە، تەڤلی پرۆژەیا یەکیتیا نەتەوەیی یا دەمۆکراتیک ببە و ل سەر ڤی بنگەهی ژ بۆ گاڤئاڤێتنێ دکارە ببە خوەدی ئینسیاتیف.
ده‌ربارێ نه‌ته‌وێن یه‌كبوویی ژی ئۆجالان گۆتیه: ژ بۆ چارەسەرکرنا پرسگرێکێن نەتەوەیی و هەرێمی ژ نها ڤە دڤێ بان و سیوانا یەکیتیا نەتەوەیێن دەمۆکراتیک ب لەز بێ ئاڤاکرن. ب گۆتنه‌كه دن: ل شوونا نەتەوەیێن یەکبوویی، یەکیتیا نەتەوەیێن دەمۆکراتیک یا دنیایێ بێ پێکئانین.
مه‌دیایا په‌كه‌كێ ئه‌ڤ نرخاندن ژ پرتووکا «مانیفەستۆیا شارستانیا دەمۆکراتیک» یا عه‌بدوللا ئۆجالان گرتیه، ئه‌و پرتووكا كو ب ته‌ڤاهی ژ فكر و رامانێن فیلۆسۆفێن ناڤدار ئێن دنیایێ هاتیه دزین.
