سەرۆک بارزانی و برێڤەبەرا کارووبارێن کۆنسولخانەیا گشتی یا ئیماراتێ ل ھەولێرێ تەکەز ل سەر دۆستینی و تێکلیێن د ناڤبەرا ھەرێما کوردستانێ و ئیماراتێ دە کر.
سەرۆک مەسعوود بارزانی ئیرۆ سێشەمبێ، 17ێ خزیرانا 2025ێ، ل پیرمامێ پێشوازی ل برێڤەبەرا کارووبارێن کۆنسولخانەیا گشتی یا دەولەتا ئیماراتێ ل ھەولێرێ خانم شەیخە بەشیر فەرحان کر.
د وێ ھەڤدیتنێ دە، ھەر دو ئالیان تەکەز ل سەر دۆستینی و تێکلیێن د ناڤبەرا ھەرێما کوردستانێ و ئیماراتێ دە کر.
ھەروەسا سەرۆک بارزانی سپاسی و رێزێن خوە ژ بۆ ھەلوەستا سەرکرداتیا ئیماراتێ ئانین زمان، ژ بەر پشتەڤانیکرنا وێ ژ بۆ ھەرێما کوردستانێ د قۆناغێن جودا جودا دە.
ھەروەسا رەوشا سیاسی و پێشھاتێن داویێ یێن دەڤەرێ ژی مژارێن تەوەرەکی دن یێ وێ ھەڤدیتنێ بوون.
