سەرۆک کۆمارێ ترکیەیێ رەجەب تەییب ئەردۆگان د ئاخافتنا خوە یا ل جڤینا وەزیرێن کارێن دەرڤەیێن رێخستنا ھەڤکاریا ئیسلامی دە، ب توندی ئێریشێن ئیسرایلێ شەرمەزار کرن و گۆت: “ئەم دەستوورێ نادن کو نیزامەکانوویا سایکس-بیکۆ کو سینۆرێن وێ ب خوینێ بێن کشاندن، ل ھەرێما مە بێ ئاڤاکرن.”
سەرۆک کۆمارێ ترکیەیێ رەجەب تەییب ئەردۆگان ئیرۆ 21ێ خزیرانێ د جڤینا 51ێ یا کۆنسەیا وەزیرێن دەرڤەیێن رێخستنا ھەڤکاریا ئیسلامی دە ئاخافتنەکا گرینگ کر و بال کشاند سەر ئالۆزیێن ل ھەرێمێ.
“ئەم ناھێلین سینۆر ب خوینێ بهێن کێشان”
ئەردۆگان د بەشەکێ ژ ئاخافتنا خوە دە، ئاماژە ب پەیمانا سایکس-بیکۆ کر کو سینۆرێن ھەیی یێن رۆژھلاتا ناڤین دیار کربوون و گۆت: “وەک ترکیە، ئەز ل ڤر ب ئاوایەکی گرینگ تەکەز دکم کو ئەم دەستوورێ نادن کو ل ھەرێما مە نیزامەکا نوو یا سایکس-بیکۆ کو سینۆرێن وێ ب خوینێ بێن کشاندن، بهێت دامەزراندن.”
“ئێریشێن ئیسرایلێ رێبرییە، نەتانیاھو وەک ھیتلەری یە”
ئەردۆگان ئێریشێن ئیسرایلێ یێن ل سەر غەززە، لبنان، یەمەن، سووریە و ھەری داوی ئیرانێ وەک “رێبری” (ھایدوتلوک) پێناسە کر و گۆت: “ئەڤ ئێریش د دەمەکێ دە پێک تێن کو دانووستاندنێن ل سەر پرۆگراما ئەتۆمی یا ئیرانێ زێدە بوونە، ئەڤ یەک ھەلبەت بالکێشە.”
سەرۆک کۆمارێ ترکیەیێ، سەرۆکوەزیرێ ئیسرایلێ بەنیامن نەتانیاھو ب سەرۆکێ نازیان ئادۆلف ھیتلەر رە دانی بەر ھەڤ و وھا ئاخڤی: “چاوا کو 90 سالان بەرێ تیرێژا کو ھیتلەر ڤێخست، جیھان خستە ناڤ ئاگری، مەبەستێن سەهیۆنیست یێن نەتانیاھو ژی ژ بلی کشاندنا دنیایێ بەر ب فەلاکەتێ ڤە، چ ئارمانجەکا دن ناگرن.”
ئەردۆگان ھەروھا پشتگریا خوە ژ بۆ ئیرانێ ئانی زمان و گۆت: “تو گومانا مە ژێ نینە کو گەلێ ئیرانێ ب ھەڤگرتنا خوە و ب ئەزموونا خوەیا دەولەتی یا خورت دێ ڤان رۆژێن زەحمەت ژی دەرباس بکە.”
د بەشەکا دن یا ئاخافتنا خوە دە، ئەردۆگان بال کشاند سەر رەوشا غەززەیێ و گۆت: “دو ملیۆن خوشک و برایێن مەیێن ل غەززەیێ دژین، ئەڤ 21 مەھن د شەرت و مەرجێن کو کامپێن کۆمکرنێ یێن نازیان ژی ل پاش دھێلن، ژ بۆ ژیانێ تێدکۆشن.”
