سەرۆکێ هەرێما کوردستانێ پێشوازیا راگهاندنا ئاگربەستا ناڤبەرا ئیران و ئیسرائیلێ دکە و تەکەز دکە کو، یەکانە رێ ژ بۆ تەناهی و بەردەوامیا دەڤەرێ دیالۆگ و هەڤفێمکرنە.
سەرۆکێ هەرێما کوردستانێ نێچیرڤان بارزانی ئیرۆ (سێشەم، 24.06.2025) ل سەر تۆرا جڤاکی یا Xێ راگهاند کو، پێشوازیا ئاگربەستا ناڤبەرا ئیران و ئیسرائیلێ دکە کو ژ هێلا سەرۆکێ ویلایەتێن یەکگرتی یێن ئامەریکایێ دۆنالد ترامپ ڤە هاتیە راگهاندن.
نێچیرڤان بارزانی هەروەسا نڤیسیە، “ئەز ل وێ باوەرێ مە کو یەکانە رێیا تەناهی، ئەولەهی و ژیارخوەشیا بەردەوام ل رۆژهلاتا ناڤین دیالۆگا تەڤگر و ئاڤاکەر و هەڤفێمکرنا ناڤبەرا هەمی ئالیانە.”
سەرۆکێ هەرێما کوردستانێ هەروەسا گۆت، “ئەز سپاسی و رێزێن خوەیێن گەرم پێشکێشی سەرۆک ترامپ و سەرکردەیێن دن دکم، ژ بەر پابەندبوونا وان ب دیپلۆماسی و چارەسەرکرنا ئاشتیانە یا ناکۆکیان د ڤێ دەما گرنگ دە».
