ئەنجوومەنا وەزیرانا هەرێما کوردستانێ ب سەرۆکاتیا سەرۆکوەزیر مەسروور بارزانی و ب ئامادەبوونا جیگرێ سەرۆکوەزیر قوباد تالەبانی، جڤینا خوە یا ئاسایی ل دار دخە. مژارێن سەرەکەیێن جڤینێ، پرسگرێکا مووچەیێن فەرمانبەران و رەوشا سیگۆرتەیا جڤاکی یا کارکەرانە.
جڤین ئیرۆ 25ێ هەزیرانێ، سائەت 10:00ێ سبەهێ ل هەولێرێ دەست پێ کر و ل گۆر داخویانیا حکوومەتا هەرێما کوردستانێ، رۆژەڤ ژ ڤان دو خالان پێک تێ:
خالا یەکەم:
گۆتووبێژکرنا رەوشا دارایی یا هەرێما کوردستانێ و چارەنڤیسا مووچەیێن فەرمانبەران تێ کرن کو ئەڤ دو مەهن ب بریارەکە “نەدەستووری” یا وەزارەتا دارایی یا فەدەرالا ئیراقێ، شاندنا هەقدەستێن دارایی یێن هەرێما کوردستانێ هاتیە راوەستاندن. هەروها هەولدانێن داوی یێن ژ بۆ چارەسەرکرنا ڤێ پرسگرێکێ دێ بێن نرخاندن.
خالا دویەم:
پێشکێشکرن و گۆتووبێژکرنا راپۆرەکە وەزارەتا کار و کارووبارێن جڤاکی / رێڤەبەریا گشتی یا کار و سیگۆرتەیا جڤاکی. ئەڤ راپۆر تایبەتە ب مژارا خانەنشینی و سیگۆرتەیا جڤاکی یا کارکەران ل هەرێما کوردستانێ و دێ تێ دە ئامار و زانیاریێن نوویێن دەربارێ پێشکەتنێن د ڤی واری دە بێن پێشکێشکرن.
