فه‌رماندارێ وانێ یێ په‌كه‌كێ و ئه‌ندامێ كۆنسه‌یا فه‌رماندارییا هه‌په‌گێ، ئۆرهان ئه‌حمه‌د كو ل ئیلۆنا 2020ێ هاتبوو كوشتن، په‌كه‌كه ژ نوو ڤه ئیرۆ هاتیه و مرنا وی راگهاندیه.
هه‌په‌گێ دوهـ رۆژا چارشه‌می 25 خزیرانا سالا 2025ێ ناسنامه‌یا فه‌رمانداره‌كی خوه یێ دن ب ناڤێ ئۆرهان ئه‌حمه‌د ئاشكه‌ره كر و گۆت كو ئه‌و وی ب رێزداری ببیر تینن.
ئۆرهان ئه‌حمه‌د فه‌رماندارێ وانێ یێ چه‌كدارێن په‌كه‌كێ بوو و ئه‌و ل 26 ئیلۆنا سالا 2020 كه‌تیه به‌ر ئێریشێن ده‌وله‌تا ترك و رێخستنا په‌كه‌كێ مرنا وی ڤه‌شارتی هشتبوو.
هه‌په‌گه ئیرۆ هاتیه و پشتی كو مرنا وی 5 سالان ڤه‌شارتی هشتی، دبێژه: مه فه‌رمانداری و ملیتانێ خوه یێ ئاپۆیی وه‌ندا كر، ئه‌م وی ب رێزداری ببیر تینن.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
