ناسنامه‌یا 6 چه‌كدارێن دی یێن په‌كه‌كێ ئاشكه‌ره بوو یێن كو ل سالا 2019ێ ل زاپێ، مه‌تینی و خاكوركی ژیانا خوه ژ ده‌ست داین و رێخستنێ مرنا وان هه‌تا رۆژا مه یا ئیرۆ ڤه‌شارتی هێلا بوو.
هه‌په‌گێ باسكێ له‌شكه‌ری یێ په‌كه‌كی ئیرۆ رۆژا یه‌كشه‌می 23 خزیرانا 2025ێ ناسنامه‌یا 6 چه‌كدارێن خوه دو ژێ كه‌چ ئاشكه‌ره‌كر كو 4 ژ ژ وان ل خزیرانا سالا 2019ێ و دو ژی ل جۆتمه‌ها 2024ێ ژیانا خوه ژده‌ست دا بوون و هه‌تا ئیرۆ مرنا وان ڤه‌شارتی هێلا بوو.
هات راگهاندن ئه‌ڤ 6 گه‌ریلا ل چیایێن مه‌تینی، خاكوركی و ده‌ڤه‌را زاپێ كه‌تبوونه به‌ر ئێریشێن ده‌وله‌تا ترك و ژیانا خوه ژ ده‌ست دابوون.
ناڤێن وان ووسایه:
حسێن عه‌لی ژ قامشلۆ.
جه‌عفه‌ر جومعا ژ ئامه‌دێ.
بێریڤان محه‌مه‌د ژ سێرتێ.
یووسف جورگین ژ وانێ.
رۆژبین حازم ژ شرنه‌خێ.
جڤات فوزر ژ مووشێ.
په‌كه‌كێ وه‌كه ته‌ڤ رێهه‌ڤالێن وان، مرنا ڤان چه‌كدارێن خوه ژی ئه‌ڤ پێتری 6 سالانه ڤه‌شارتی هشتیه و ئیرۆ ژ نوو ڤه هاتیه و دبێژه مه هه‌ڤالێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان هه‌یا رۆژا مه یا ئیرۆ ڤه‌شارتی هشتی، ل گۆری ئاگاهیێن ده‌ستێ مه، هێژان ب هه‌زاران جوان ما نه كو ناسنامه‌یا وان ڤه‌شارتی مایه و په‌كه‌كێ مرنا وان ئیفشا نه‌كری یه.
