سەرۆکێ گشتییێ پارتیا تەڤگەرا نەتەوەپەرەست (مه‌هه‌پێ) ده‌وله‌ت باخچەلی راگهاند، ب بانگا ئۆجالان و بریارا په‌كه‌كێ یا چەکدانینێ، پرۆسە گهشتیە قۆناغەکە هەستیار و “ئێدی ژ ڤێ رێیێ ڤەگەر نینە”.
باهچەلی ئیرۆ 1ێ تیرمەهێ د جڤینا کۆمێ یا ل مەجلسێ دە تەکەز کر، ئەو گوهـ نادن هەولێن ژ بۆ تێکبرنا پرۆسەیێ و دێ ژ بۆ ئاشتیەکە ماییندە کارێ خوە بەردەوام بکن.
“پەردەیا دەما رەش دڤێ وەرە گرتن”
ده‌وله‌ت باخچەلی دەستنیشان کر، ئارمانجا ئاڤاکرنا “ترکیەیەکە بێتەرۆر” گاڤەکە راستە و گۆت: “د سەدسالا نوو دە جهێ تەرۆرێ نینە. ئەم ئێدی ناخوازن باجێن هاتنە دایین و ئێشێن هاتنە کشاندن دوبارە ببن. ترکیە دەرباسی سەردەمەکە نوو بوویە.”
هەروها داخواز کر کو پرۆسەیا چەکدانینا په‌كه‌كێ ب لەز و بەز پێک وەرە، دا کو رێ ل بەر پەڤچوونێن نوو نەیێ ڤەکرن و وها بەردەوام کر: “په‌كه‌كێ د ئاراستەیا داخویانیا ئیمرالیێ دە بریارا چەکدانینێ دابوو. هەڤدیتنێن دەم پارتیێ ژی گرینگن. پێویستە پرۆسەیا خوینی ب تەمامی ب داوی ببە و پەردەیا دەما رەش وەرە گرتن. دڤێ هێڤی زێدە ببن و کەشووهەوایا ئاشتی سەردەست بە. ئێدی ژ ڤێ ڤەگەر نینە”.
