ژ ده‌ستپێكا ئیسال 2025ێ ڤه، ل رۆژهلاتا كوردستانێ و ئیرانێ، ره‌ژیما ته‌هرانێ 424 كه‌س دارڤه‌كرنه.
کامپانیایا «سێشەما نا ژ جەزایێ دارڤەکرنێ رە» کو ژ هێلا گرتیێن سیاسی یێن ل 38 گرتیگەهێن رۆژهلاتێ کوردستانێ و ئیرانێ ڤە هاتیە دەستپێکرن، د هەفتەیا 75ێ دە، دەربارێ دارڤەکرنان دە داخویانیەک بەلاڤ کر.
ل گۆری داخویانیێ د ناڤا هەفتیەکێ دە 17 گرتی کو یەک ژ وان ژنە، ل رۆژهلاتێ کوردستانێ و ئیرانێ هاتنە دارڤەکرن.
دا زانین کو ژ سەرێ سالا 2025ان هەیا نها، ل رۆژهلاتێ کوردستانێ و ئیرانێ 424 کەس هاتنە دارڤەکرن.
هات راگهاندن کو رۆژا چارشەما بۆری 3 کۆلبەرێن کوردێن ب ناڤێ ئازاد شوجاعی، ئدریس عەلی و رەسوول ئەحمەد ب تۆمەتا سیخوریێ هاتنە دارڤەکرن.
د هەمان داخویانیێ دە هاتە دەستنیشانکرن کو ل ئیرانێ و رۆژهلاتا كوردستانێ، پێلەک بنچاڤکرنێ ب هێجەتا سیاسی و ئەولەکاریێ دەستپێ کریە و پرانیا کەسێن تێن بنچاڤکرن، جەزایێ گران ددنێ. هەروها ژ مافێ خوەیێ دادگەهکرنێ ژی بێ پار تێن هشتن.
کامپانیایێ دا زانین کو ژ هەر دەمی زێدەتر نها ژیانا گرتیێن سیاسی یێن کو جەزایێ دارڤەکرنێ ل وان هاتیە برین، د مەترسیێ دەیە و هاتە گۆتن؛ «ئەم ب گەلێ کورد و ئیرانێ رە بانگا هلوەشاندنا جەزایێن دارڤەکرنێ و ئازادیا هەموو گرتیێن سیاسی دکن».
