ئاساییشا پارتییا یه‌كێتییا ده‌مۆكراتیك په‌یه‌دێ، باسكێ په‌كه‌كێ یێ رۆژئاڤا كوردستانێ په‌یامنێرێ كوردستان 24ێ رامان عه‌بدولسه‌لام ده‌سته‌سه‌ر كر و چاره‌نووسا وی نه‌دیاره.
چاڤكانیێن داركا مازی یێن ل رۆژئاڤا كوردستانێ ئاشكه‌ره كرن، په‌یامنێرێ كوردستان 24ێ رامان عه‌بدولسه‌لام حسۆ ل رۆژا سێشه‌مییا رابووری 1ی تیرمه‌ها 2025ێ ب رییا ده‌ریێ سێمالكا ده‌رباسی رۆژئاڤا بوویه و ژ بۆی سه‌ردانا مالبات و كه‌سوكارێن خوه چوویه باژارێ عاموودێ.
ده‌ستنیشان كرن، ئاساسییشا په‌یه‌دێ دوهـ رۆژا چارشه‌میێ 2 تیرمه‌هێ رامان ل عاموودێ بانگ كربوو و پشتی كو ئه‌و چوویه باره‌گه‌ها ئاساییشێ ل ور هاتیه ده‌سته‌سه‌ر كرن و نها چاره‌نووسا وی نه‌دیاره.
مالباتا رامان ئاشكه‌ره كرنه كو رامان ژ هێلا ئاساییشێ ڤه هاتیه گرتن و هێژان ژی نه‌ڤه‌گه‌ریه و وان ئاگاهی ده‌ربارێ وی نینن.
ئه‌ڤ نه‌جارا یه‌كه‌مه ئاساییشا په‌یه‌دێ رامان ده‌سته‌سه‌ر دكه، رامان پێشتر ژی ل سالا 2013ێ ژ هێلا ئاسایشا پەیەدێ ڤە ب تومەتا وێنەکرنا خوه‌پیشاندانێن ل عاموودێ، ناڤبری به‌رێ ل کەنالێن زاگرۆس و ێARK کار کری یە.
پشتی گرتنا وی ئۆفیسا ئازادییا سەندیکایا گشتی یا نڤیسكار و رۆژنامەگه‌رێن کورد ل سووریه‌یێ، گرتنا رامان یا ژ هێلا ئاساییشا پەیەدێ ڤە شه‌رمه‌زار كرنه.
