رێخستنا په‌كه‌كێ ناسنامه‌یا 3 چه‌كدارێن خوه یێن كه‌چ راگهاند كو ل سالا رابووری ل باشوورێ كوردستانێ كه‌تنه به‌ر ئێریشێ ده‌وله‌تا ترك و ژیانا خوه ژ ده‌ست دا بوون.
یه‌ره‌كێ یێك ژ باسكێن له‌شكه‌ری یێن په‌كه‌كێ ئیرۆ رۆژا یه‌كشه‌می 6 تیرمه‌ها 2025ێ ناسنامه‌یا 3 چه‌كدارێن خوه یێن كه‌چ ئه‌شكه‌ره كر كو ل سالا رابووری 2024ێ ل چیایێ ئاسۆسێ یێ ل باشوورێ كوردستانێ كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه.
ئه‌ڤ 3 كه‌چێن كو په‌كه‌كێ ئه‌و د به‌رخوه‌دانا خوه یا ساخته ده وه‌ندا كرین، ب كۆدناڤێن «تارا هه‌ورام، ئارارات باوه‌ر و ستێرا باوه‌ر» تێن ناس كرن، ئه‌و ژ حه‌له‌بێ، مووشێ و سنه‌یێ نه، رێخستنێ ئه‌و وه‌كه ب هه‌زاران كه‌چێن دن یێن كوردان خاپاندن و ب ناڤێ به‌رخوه‌دانێ به‌رێ وان دا مرنێ.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
