شاندەیا ئیمرالیێ یا پارتیا وەکھەڤی و دەمۆکراسیێ یا گەلان (دەم پارتی) پشتی ھەڤدیتنا لگەل سەرۆککۆمارێ ترکیێ رەجەب تەییب ئەردۆگان داخویانیەک دا و راگھاند کو “ئیرادەیا ھەر دو ئالیانا ژ بۆ بەردەوامییا پێڤاژۆیێ ددۆمە.”
ھەڤدیتن ئیرۆ 7ێ تیرمەھێ ل کوڵیەیا سەرۆککۆماریێ یا ل بەشتەپەیێ پێک ھات و نێزیکی دەمژمێرەکێ بەردەوام بوو. ژ ئالیێ دەم پارتیێ ڤە ئەندامێن شاندەیا ئیمرالیێ پەروین بولدان و میدحەد سانجار، ژ ئالیێ حکوومەتێ ڤە ژی لگەل ئەردۆگان، سەرۆکێ سازیا ئیستخباراتا نەتەوەیی (میت) ئیبراھیم کالن و جیگرێ سەرۆکێ گشتی یێ ئاکەپێ ئەفکان ئالا بەشداری جڤینێ بوون.
پشتی جڤینێ، نڤێسینگەها چاپەمەنیێ یا دەم پارتیێ داخویانیەکا نڤیسکی وەشاند. د داخویانیێ دە ھات گۆتن کو شاندەیێ نێرین و پێشنیارێن خوەیێن دەربارێ “قۆناغا نوو یا پێڤاژۆیێ و تشتێن ژ ڤر و شووندە دێ بێن کرن” دە پێشکێشی ئەردۆگان کرنە.
داخویانیا دەم پارتیێ ب ڤان گۆتنێن گرینگ ب داوی بوو: “د ھەڤدیتنێ دە ھاتە دەستنیشانکرن کو ئیرادەیا ھەر دو ئالیان یا ژ بۆ بەردەوامییا پێڤاژۆیێ ددۆمە.”
