جڤینا کو بریار بوو ئیرۆ 8ێ تیرمەھا 2025ێ، د ناڤبەرا وەزیرێ دادێ یێ ترکیەیێ یلماز تونچ و شاندا ئیمرالیێ یا پارتیا دەم دە هاتبا ئەنجامدان، ژ بۆ دەمەکێ نەدیار ھات پاشخستن.
دەم پارتیێ ئیرۆ 8ێ تیرمەھێ تێکلداری مژارێ گۆت: “ئەڤ بەرنامە، ژ بەر بەرنامەیێن زێدە ھاتیە پاشخستن. دەما دیرۆک و دەمژمێرا ھەڤدیتنا نوو دیار بوو دێ ئاگاھیێن پێویست هێن پارڤەکرن.”
ئەڤ پێشھاتە پشتی وێ یەکێ تێ، شاندا ئیمرالیێ یا دەم پارتیێ لگەل سەرۆککۆمارێ ترکیەیێ رەجەب تەییب ئەردۆگان جڤینەک ئەنجامدابوو. د داخویانیا پشتی جڤینێ دە، ھاتبوو راگھاندن کو شاندێ نێرین و پێشنیارێن خوەیێن دەربارێ قۆناغا نوو یا پێڤاژۆیێ و گاڤێن پێشەرۆژێ دە لگەل سەرۆککۆماری پارڤە کرنە. ھەروھا ھاتبوو تەکەزکرن کو ئیرادەیا ھەڤپارا ژ بۆ پێشخستنا پێڤاژۆیێ دێ بەردەوام بکە.
د ڤێ چارچۆڤەیێ دە، دهێتە تەخمینکرن کو وەک گاڤەکا گرینگا پێڤاژۆیا ئاشتیێ، ل پارلامەنتۆیا ترکیەیێ کۆمیسیۆنەکا تایبەت بهێت دامەزراندن دا کو ریفۆرمێن یاسایی یێن پێویست ئەنجام بدەت.
شاندێ د داویێ دە دەستنیشان کر کو “ھێڤی، باوەری و پێباوەریا ئۆجالان ب رۆلا ڤێ پێڤاژۆیێ یا د دەمۆکراتیککرنا ترکیەیێ دە گەلەک خورتە.”
