هه‌ژماره‌كه گەریلایێن پارتیا کارکەرێن کوردستانێ (په‌كه‌كێ) ئیرۆ وه‌كه هه‌نگاڤه‌كه سه‌مبۆلیك ل هەرێما راپەرینێ یا باشوورێ كوردستانێ چەکێن خوە ددانن.
ئیرۆ رۆژا 11 تیرمه‌ها 2025ێ ب به‌شدارییا نوونه‌رێن سه‌رۆك مه‌سعوود بارزانی، نێچیرڤان بارزانی سه‌رۆكێ هه‌رێما كوردستانێ، نوونه‌رێ یه‌نه‌كێ و هه‌روه‌ها نوونه‌رێن وه‌زارتێن ناوخۆ یێن ئیراقێ و هه‌رێما كوردستانێ، هه‌ڤسه‌رۆكێن ده‌م پارتیێ و نوونه‌رێن پایه‌بلند یێن په‌كه‌كێ، ل هه‌رێما راپه‌رینێ، هه‌ژماره‌كه گه‌ریلایان دێ چه‌كێن خوه ده‌ینن.
بریارا چه‌كدانانا په‌كه‌كێ و ب داویكرنا تێكۆشینا چه‌كداری د كۆنگره‌یا 12مین یا په‌كه‌كێ داهات دایین كو ل 12 گولانا ئیسال 2025ێ ل سه‌ر داخوازا ئۆجالان هات ل دارخستن.
په‌كه‌كه دبێژه: چەکدانین نیشانا نیەتا باشا مه‌یه کو ئه‌م ئامادەنە دەڤ ژ تێکۆشینا چەکداری بەردن. ب هێڤییا وێ یه‌كێ تركیه هه‌نگاڤێن ئه‌رێنی و به‌ر ب پێش د هه‌ولێن چاره‌سه‌ریێ ده باڤێژه.
شاندەیەکێ پایەبلندێ پارتیا وەکهەڤی و دەمۆکراسیا گەلان (دەم) ژ باکورێ کوردستانێ هاتیە دا کو بەشداری مەراسیمێ ببە.
پێڤاژۆیا چارەسەریێ ل باکورێ کوردستانێ و ترکیێ دێ ب چەکدانینێ بکەڤە قۆناغەکه نوو، لێ ئەڤ نەقۆناغا داوی یا پێڤاژۆیێ یە، خویا دکە کو دەستپێکەک دنه ژ بۆی پێڤاژۆیێ، ته‌ڤی كو تركیه هێژان ناڤێ ئاشتیێ ل ڤێ پێڤاژۆیێ نه‌كریه و ئه‌و وێ وه‌كه پرۆژه‌یێ (تركیه‌یا بێ ته‌رۆر) حه‌ساب دكه.
پشتی دیمەنا سەمبۆلیکا چەکبەردانێ، چاڤ ل سەر ترکیێ نە، تێ پایین کو حکوومەت و پارلەمەنتۆیا ترکیێ گاڤێن نوو باڤێژن دا کو پێڤاژۆ ب سەر بکەڤە.
ل گۆری بەردەڤکێ ئاكه‌پێ عۆمەر چەلیک، سبه رۆژا شەمیێ، رەجەپ تاییپ ئەردۆگان دێ گۆتارەکه دیرۆکی ل سەر پێڤاژۆیا چارەسەریێ پێشکێش بکە.
رێبەرێ گرتیێ په‌كه‌كێ عه‌بدوللا ئۆجالان د 27ێ سباتا ئیسال 2025ێ دا بانگا چه‌كدانینێ و خوه‌فه‌سخكرنێ ل په‌كه‌كێ كر و گۆت كو پێویستی ئێدی ب په‌كه‌كێ نه‌مایه و دڤێ وه‌ره فه‌سخ كرن، ئۆجالان ئه‌ڤ بانگ ل سه‌ر داخوازا ده‌وله‌ت باخچه‌لی كر و بێی كو ت مافه‌ك ژ بۆی گه‌لێ كورد وه‌ره گارانتی كرن.
