مه‌راسیما چه‌كدانینا سه‌مبۆلیك یا په‌كه‌كێ ئیرۆ ل شكه‌فتا جاسه‌نه یا ل سلێمانیێ برێڤه‌چوو، 30 گه‌ریلایان چه‌كێن خوه ئیمها كرن و راگهاندن كو وان ب ئیراده‌یا خوه یا ئازاد ئه‌ڤ هه‌نگاڤ ئاڤێتنه و ئه‌و ئازادییا فیزیكی یا رێبه‌رێ خوه ئاپۆ دخوازن!.
ئیرۆ رۆژا ئینی 11 تیرمه‌ها 2025ێ ب به‌شدارییا نوونه‌رێن سه‌رۆك مه‌سعوود بارزانی، نێچیرڤان بارزانی سه‌رۆكێ هه‌رێما كوردستانێ، نوونه‌رێ یه‌نه‌كێ و هه‌روه‌ها نوونه‌رێن وه‌زارتێن ناوخۆ یێن ئیراقێ و هه‌رێما كوردستانێ، هه‌ڤسه‌رۆكێن ده‌م پارتیێ و نوونه‌رێن هێلا ژوور یێن په‌كه‌كێ، ل شكه‌فتا جاسه‌نه یا ل سلێمانیێ، 30 گه‌ریلایان چه‌كێن خوه ئیمها كرن.
کۆما گێریلایێن چەکێن خوە داناین کو ناڤێ «کۆما ئاشتی و جڤاکا دەمۆکراتیک» ل خوە کرنە و به‌سێ هۆزات هه‌ڤسه‌رۆكا كه‌جه‌كێ سه‌رپه‌رشتی و رێبه‌رتییا وان دكر، داخویانیەک دان و راگهاندن کو بۆ ژ نها و پێ ڤە ئەو تێکۆشینا خوە یا ئازادی، دەمۆکراسی و سۆسیالیزمێ ب رێبازێن یاسایی و سیاسەتا دەمۆکراتیک بمەشینن.
د داخۆیانیێ ده هات گۆت: ژ نها و پێ ڤە ئه‌و تێکۆشینا خوە یا ئازادی، دەمۆکراسی و سۆسیالیزمێ ب رێبازێن یاسایی و سیاسەتا دەمۆکراتیک بمەشینن.
هه‌روه‌ها گۆتن كو ئه‌و چەکێن خوە ب ئیرادەیا خوە یا ئازاد ئیمها دکن.
ده‌ستنیشان كرن، ئه‌و ئیرۆ ڤێ هه‌نگاڤێ ل سه‌ر بانگا ئۆجالان یا 27 سباتێ و 19 خزیرانا 2025ێ دهاڤێژن و گۆتن كو ئه‌و ئازادیا فیزیکی یا رێبەرێ خوه ئابدوڵاهـ ئۆجالان و چارەسەریا سیاسی و دەمۆکراتیکا پرسگرێکا کورد دخوازن.
