رێبه‌رێ په‌كه‌كێ ژ پشتی بانگا 27 سباتێ یا هلوه‌شاندنا رێخستنا خوه، دو په‌یامێن دن ژی پارڤه‌كرن یێك ژێ رۆژێن رابووری بوو كو ب ڤیدیۆ ب زمانێ تركی ژ گه‌لێ كورد و پارتیا خوه ره ئاخڤی!!.
ئۆجالان د چ یێك ژ ڤان په‌یامان ده به‌حسا جوان، كه‌چ و خورتێن كوران نه‌كر، یێن كو د به‌رخوه‌دانا ساخته یا 41 سالی ده به‌رێ وان دایه مرنێ.
لێبه‌لێ هه‌مان ئۆجالان ئه‌ڤ جارا دویه‌مینه خه‌مگینییا خوه یا مه‌زن بۆ سكتینا هنه‌ك عه‌سكه‌رێن ترك نیشان دده، جارا یه‌كه‌م وه‌ختا ل دادگه‌ها تركیێ ل سالا 1999ێ داخوازا لێبۆرینێ ژ دایكێن عه‌سكه‌رێن ترك كری، عه‌سكه‌رێن كو گه‌ریلایان كوشتین، جارا دویه‌م ژی ڤێ هه‌فته‌یێ بوو وه‌ختا 5 عه‌سكه‌رێن ترك د شكه‌فته‌كا ل زاپێ ده ب غازا مه‌تانێ فه‌تسین.
هه‌ستێن ئۆجالان بۆ ده‌هان هه‌زار جوانێن كوردان كو ل سه‌ر ده‌ستێ ئارتێشا تركیه‌یێ هاتنه شه‌هید كرن نه حه‌ركین، لێ به‌لێ خه‌مگینییا خوه یا مه‌زن بۆ 5 عه‌سكه‌رێن فه‌تسی نیشان دا و گۆت: ئه‌ز پڕڕڕڕ خه‌مگینم و ره‌حمه‌تێ ژ وان ره دخوازم.
هێژای گۆتنێ یه، موراد قارایلان د كۆنگره‌یا 12مین یا هلوه‌شاندن په‌كه‌كێ ده گۆتبوو: د پێتری 40 سالێن شه‌رێ چه‌كداری ده، وان 40 هه‌زار گه‌ریلا وه‌ندا كرنه. لێ هن ئامارێن تایبه‌ت هه‌نه دبێژن كو هه‌ژمارا گه‌ریلایێن بوونه قوربانی نێزی 50 هه‌زار گه‌ریلایانه.
