شاندا دەم پارتیێ دێ سەردانا پارتیێن پاشەرۆژ، مەھەپە و جەهەپێ کت

د چارچۆڤەیا سەردانێن پارتیێن سیاسی یێن ترکیەیێ ژ بۆ بسەرخستنا پێڤاژۆیا ئاشتیێ دە، بریارە کو شاندا دەم پارتیێ ژ بۆ ئیمرالیێ ڤێ ھەفتەیێ ب ئاوایەکی جودا سەردانا سەرۆکێن مەھەپێ، جەهەپێ و پارتیا پاشەرۆژێ بکە.

ل گۆری ئاگاھیان ، بریارە کو شاندا پارتیا وەکھەڤی و دەمۆکراسیا گەلان (دەم پارتی)، کو ژ پەرون بولدان، متحەد سانجار و ڤیگەن ئۆزگوور ئەرۆل پێک تێ و وەکی شاندا ئیمرالیێ تێ ناسین، ل رۆژا چارشەمێ 16ێ تێرمەھا 2025ێ، سەردانا سەرۆکێ پارتیا پاشەرۆژێ ئەحمەد داودئۆغلو بکە.

هەر وەها شاندا ناڤبری دێ د هەمان رۆژێ دە لگەل سەرۆکێ مەھەپێ دەولەت باخچەلی و ل رۆژا پاشتر ژی پێنجشەمبێ، 17ێ تیرمەھا 2025ێ، لگەل سەرۆکێ جەهەپێ ئۆزگوور ئۆزەل رە بجڤە.

د وان جڤینان دە پێنگاڤێن پێشڤەچوونا پێڤاژۆیا ئاشتیێ ل ترکیەیێ و باکورێ کوردستانێ دێ بێن بەحسکرن، تەڤی رۆلا پارتیێن سیاسی یێن ترکیەیێ د پشتەڤانیا بسەرخستنا وێ پێڤاژۆیێ دە.”

کۆمەکا ئەندامێن پارتیا کارکەرێن کوردستانێ (پەکەکێ) کو ژ 30 چەکداران پێک دھات رۆژا 11ێ تیرمەھا 2025ێ، ل شکەفتا جاسەنەیێ ل دەڤەرا سوورداشێ یا قەزایا دوکانێ وەکی نیەتپاقژی ژ بۆ پێڤاژۆیا ئاشتیێ یا ترکیەیێ چەکێن خوە دانین و شەوتاندن.